港男畀錢後收銀話無收過！被屈食霸王餐員工做法惹質疑 網民教路一招K.O

港男被屈食「霸王餐」、為免麻煩付2次錢

數日前港男以「埋單俾咗錢，但收銀話無收過，點算」為題發文，指某日幫襯一家食店時，「埋單俾佐(咗)錢，但收銀話冇收過」，樓主續指當時情況是「啲錢辣(連)埋張單俾咗佢但佢話冇」，二人爭持不下，「最後毒X如我答應佐(咗)佢建議，我再俾多佐(咗)次錢」，事後員工要樓主留電話，指收工後翻查CCTV以證實樓主是否有付錢，更表示「話睇到有打俾我拎返」，樓主不知道應該怎樣應對，因此上網發文尋求建議。

網民斥樓主懦弱：應即時看CCTV

大部份留言普遍認為事主不應在軟硬兼施的情況下俾第二次錢，應要求立刻查看cctv，甚至報警以證清白：「收咗錢就冇咗件事嫁喇！錢銀嘢一定係即時解決，樓主下次唔好心軟！」、「即場睇啦，乜X嘢收工睇，睇咗都唔會打俾你啦！」、「如果你肯定自己有俾錢，叫佢經理黎即場睇，唔睇就報警」。

有留言則認為事主太懦弱，應採取較激進的方式應對：「一有行入客就大聲話驚鋪呃左（咗）你錢，叫佢唔好入嚟食一陣就驚左你啦」、「你係阻住個門口好激動好大聲咁XX佢，唔夠5分鐘就算數啦！」，亦有留言表示同情，稱這是一些無良食店慣用的騙財技倆：「呢招屈人未俾錢咁多年都仲用緊，真係香港本土文化嚟，由我阿爺嗰陣已經聽講過」、「分分鐘個呀姐一日屈幾單，當出bonus！」、「咪係，當佢一日本身搵$400，當佢每日呃4個客，每單$50，搵多50% 人工」。

熱心巴打教路一招K.O員工招數

最後有熱心巴打教路：「先開電話全程錄影對話，俾佢揀一係即刻睇CCTV，講明睇完真係有俾就要賠償返時間損失， 一係認有收到俾你走， 等佢唔可以報警屈你， 兩樣都唔肯就直接報警，一樣做齊紀錄要佢賠返時間損失。」樓主亦讚醒目，並指如再次遇到同類事件，定會參考以上方法。

網民疑惑：警察在場才可翻看CCTV？

或許看到一眾留言都提及「CCTV＋報警」，有網民好奇究竟是否有警察在場才可翻看CCTV？有留言回覆指：「對住啲傻仔實係咁講，部機同密碼喺哂自己手，鐘意點睇都得啦，反而警察嚟到話唔記得密碼唔俾佢睇都得，部機私人嘢嚟」。

跟據香港個人資料私隱專員公署《閉路電視監察及使用航拍機指引》，CCTV的使用者有責任取保安措施保障錄像以免外洩。簡單來說，CCTV的保安措施由店方自行訂立，不同店的做法各有不同。雖然在警方進行調查時，CCTV的使用者有權引用個人資料(私隱)條例有關豁免的條文向執法人員提供錄像，但條文亦指CCTV的使用者「亦無義務按要求不假思索地提供個人資料」，因此，有今次的情況下，食店也可以拒絕樓主即時查看CCTV的要求。

資料來源：連登討論區、香港個人資料私隱專員公署