港女被侍應忽略1分鐘上網抱怨餐廳服務差　反被網民圍剿：首席西客！

港女歎下午茶　被侍應冷落一分鐘不漏

事主表示和朋友到K11 Musea的人氣餐廳想食下午茶，當他們向服務員表示2位時，「呢件肥仔知客，足足玩了接近一分鐘電話，仍然唔理我哋」，認為該服務員的態度極差，使自己被忽略了將近一分鐘。服務員看到後方有四人座位後，卻只是淡淡回應：「暫時冇位」，然後繼續玩弄手機，令事主非常不滿﹐更放上網想公審對方。

樓主慘被圍剿：首席西客！

事主的圖文卻沒有引起網民的支持，反被一眾網民圈剿，直指她是「首席西客！」

• 「你d相都係影到佢傾電話，你就屈人玩電話？可以人哋就係用電話check緊d枱有冇reservation先答到你。」
• 「 我仲以為你等X咗1個鐘，原來60秒……樓主應該係首席西客」
• 「 正常返工時間企正喺門口應該唔敢一直玩電話，講電話可能有客訂緊枱，呢個情況我都試過，不過只顧同電話對方一直傾，當面對面嘅客人透明，都會唔係好舒服。較理想係做個手勢叫客等一等，然後講完電話講聲唔好意思要個客等。」
• 「你2位﹐人家4人檯或者比人訂咗，冇位就放人上網，冇道德。」

部分網民力撐：又真係冇咩禮貌

也有網民力撐事主，認為該服務員的確有做得不好的地方「好多人錯重點，其實只需要同個客講句『等等』唔係好難，無視人地成分鐘先俾反應真係好無禮貌！」、「而家香港餐飲業啲服務都唔使恨啦。」，雙方的討論熱烈。