深水埗壽司客帶港童食Omakase 要求兒童餐！3大無理要求網民熱議｜飲食熱話

Aug 10 2022

深水埗壽司客帶港童食Omakase，無理要求兒童餐及將魚生煮熟？！最近有網民於Facebook群組「香港 Omakase おまかせ關注組」分享，有食客帶小朋友吃壽司Omakase，要求師傅配合其子女，作出3大無理要求！

深水埗壽司客帶港童食Omakase 問師傅有無兒童餐？！

早前有網民於Facebook非常人氣的「香港 Omakase おまかせ關注組」出post，分享一次食壽司體驗：「Lunch去咗食一間平價omakase ，宗像屋，令我大開眼界。」內容主要指樓主2人行前往宗像屋吃omakase，同時另外客人是4個大人加1個小童，樓主表示該組食客本身「訂枱四人，即係多咗一個小童」，亦有補充「個小朋友好乖冇出聲」。不過，奇怪的事情這時才正式開始，並綜合3大無理要求，跟大家分享。

深水埗壽司客帶港童食Omakase，網民目擊整個奇情經驗，出帖分享。 — 深水埗壽司客帶港童食Omakase，網民目擊整個奇遇，出帖分享。（圖片來源：Facebook@香港 Omakase おまかせ關注組）

樓主的奇遇，發生在深水埗的宗像屋，店子本來是間人氣的魚生飯專門店，開業已經7年，於年初轉營為全預約制的omakase店「宗像壽司」，全日分5個時段，每節只得1小時，全店只得6個座位，必須事先於網上購票。

深水埗宗像屋，之前主打魚生飯，門前經常見人龍。（圖片來源：Facebook@宗像屋）

深水埗店子每日有日本直送的新鮮魚材做壽司。 — 店子每日有日本直送的新鮮魚材做壽司。（圖片來源：Facebook@宗像屋）

1. 要求兒童餐＋魚生煮熟

以前可以隨時隨起飛去日本旅行的時候，常常聽到有人分享在當地食壽司的「趣事」，最常見又最經典的，應該是食客要求師傅將魚生煮熟吧，雖然我都從來未親身遇過！但今次樓主則在深水埗親歷這個奇遇！

深水埗食客問師傅有冇兒童餐，並要求魚生煮熟。 — 食客問師傅有冇兒童餐，並要求魚生煮熟。（圖片來源：Facebook@香港 Omakase おまかせ關注組）

雖師傅最初仍堅持不將魚生煮熟，但最後在西客鍥而不捨的精神下，還是把拖羅炙熟。

深水埗食客要求燒一燒拖羅，師傅無奈配合。 — 食客要求燒一燒拖羅，師傅無奈配合。（圖片來源：Facebook@香港 Omakase おまかせ關注組）

2.點解我朋友隻生蠔同我隻差咁遠 ?

之後，西客跟師傳另有精彩對答。當師傅上生蠔後，該名食客見自己的生蠔，跟同桌朋友的生蠔有分別，便問師傅「點解我朋友隻生蠔同我隻差咁遠」，師傅回答：「因為隻生蠔係天生，係會有少少差別」。

深水埗食客問師傅，點解自己的生蠔跟同桌朋友的不同，師傅作出神回答。 — 食客問師傅，點解自己的生蠔跟同桌朋友的不同，師傅作出神回答。（圖片來源：Facebook@香港 Omakase おまかせ關注組）

網民看到師傅的神回答，紛紛表示佩服：「我鍾意呢句：因為隻生蠔係天生」、「因為隻生蠔係天生，所以193有193你得153」！

深水埗花生友網民留言，更獲不少人like。 — 花生友網民留言，更獲不少人like。（圖片來源：Facebook「香港 Omakase おまかせ關注組」截圖）

3.煮麵豉湯飯畀細路食

本來以為師傅順利過一關，點知有更大的難題，就是要求加飯落麵豉湯給小朋友吃！有食開omakase的朋友，都應該知道麵豉湯會於最後上，如果在日本，你要求中途上麵豉湯，更要把壽司飯放入面豉湯內，日本人師傅應該會很生氣！可惜香港並不是日本，事件中的師傅最後還是跪底，配合西客要求。

深水埗西客西求煮麵豉湯飯給小朋友吃 — 西客西求煮麵豉湯飯給小朋友吃（圖片來源：Facebook@香港 Omakase おまかせ關注組）

網民意見兩極：支持息事寧人 VS 無晒尊嚴

帖文一出後，西客的行為惹起網民熱烈討論。作者表示「支持師傅息事寧人，我都預咗會有朋友話個師傅唔堅持」，果然有留言指「做到咁無尊嚴，個客話咩就咩」。不過作者補充：「我覺得個師傅係俾面另外一枱客人，即係我哋，無謂再爭拗同搞到個情況太難堪。由於係精華剪輯，所以描述唔到現場嘅情況俾你聽。」亦有疑似父母級的網民留言：「通常可以另外叫一碗烏冬俾小朋友食」、「我會睇咗餐牌有無嘢啱小朋友食先入餐廳」。廣大父母，遇到呢個情況你又會點做呢？