港人力讚深圳餐廳專人彎腰半小時拆蟹肉服務貼心！網民意見兩極

港人力讚深圳餐廳專人彎腰半小時拆蟹服務貼心！

近年來愈來愈多港人喜愛北上飲飲食食，不少人都大讚大陸美食多而且價錢便宜。最近有港人於Facebook群組大讚深圳某間餐廳服務貼心，事主叫了一道蟹，而餐廳有安排幫忙拆用，事主指店員彎腰拆蟹肉至少半小時而上，「讚一個！」

網民意見兩極：我不喜奴役他人！

不過帖子引來眾人反餐廳讓侍應彎腰半小時拆蟹太過火：「服務生小弟辛苦了，都係有阿媽生，如果自己個仔要咁樣服務人，做人阿媽應該好心痛，仲要彎半個鐘，我一定就睇唔過眼，感覺心唔舒服」、「我不喜奴役他人」、「也太難為人家了吧」、「呢餐飯唔想食….呢種服務令我難過，我眼淺」、「唔忍心，消費者唔係大哂，自己拆都得」、「如果咁，我寧願唔食，食都唔安樂」。

另有不少人就指會北上消費正正就是因為當地服務態度好，「去內地消費，絕對唔止因為平，服務質素好先係最大誘因」、「香港冇乜服務又話態度唔好，內地服務好又話人哋奴役，香港人真係好難服侍」、「這是日本上一袋的文化，簡單的事也很認真。飲食服務員也可以是專業的」、「人地就係有心去做嘢，成個風氣都係咁」、「老實說深圳各餐廳都是以客為先，無論切牛肉、切片皮鴨、整酸菜魚都開放給客人觀看，不會理會員工私隱，但香港情況不同，員工受保障，所以有部份態度不佳」。