港男大呻深圳消費$2000一餐交智商稅真相揭穿反惹網民大鬧！

Feb 27 2024

港人北上消費已不是甚麼新鮮事，大多數都指深圳「又平又抵玩」，但是日前就有港男在討論區發文表示打算去深圳平平地食餐生日飯，結果埋單竟然要$2000人仔，大呻「又話深圳食野好平嘅？」不過，帖文不久就被網民發現真相大逆轉，反鬧爆出文的港男？

北上消費$2000一餐港男：今日真係交足智慧稅！

日前，有港男在討論區分享北上消費的經歷，早前因為女友生日表示想到深圳食飯，當時港男仍心想：「正啦，平平地百幾蚊食個生日飯，慳返唔少」，結果到店看價錢牌時「睇到個價錢嚇X死我」，港男馬上在微信向朋友借$500人仔頂一頂，他在菜單上看到午餐肉和粟米比香港貴數倍，就以為是一碟幾Kg地上菜，怎料「X你份量仲少過我平時食早餐」。結帳時驚訝看到竟要$2,030人仔，再尿遁向朋友借一千多元，大呻「今日真係交足智慧稅！」，又問「究竟邊啲X街，成日吹深圳食野好平好抵。香港打邊爐平均200/位任食，下次香港打邊爐算數！」

網民嘲：鬼叫你沖大頭鬼！

網民對事件的評價褒貶不一，不少人指港男自己不識價充大頭鬼「人哋食蝦滑，你就食龍蝦滑！人哋食養蝦，你就食花竹蝦！兩千蚊仲要唔使+1仲想點X樣？」、「你呢d餐牌香港咪又係幾千埋單，蠢多過充大頭」、「如果係相啲料，2千唔貴呀」，亦有網民指這餐飯確實太貴「一人1000？食埋啲打邊爐cheap嘢，喺香港有咩食唔到」、「好多返去食劣食就話大陸D野平」。

真相大反轉！網民：偷圖作文！

不過，事件發酵一陣，竟發現出帖港男原來並非原圖作者，只是轉載了其他食客的圖片，再改寫內容！原圖是來自Facebook群組「深圳大灣區好去處開心share」，有食客開心分享在深圳消費的心得，帖文一開頭已戴定頭盔「如果北上只求「平價」，請繞道！」，並大讚圖中的餐廳「呢間我絕對會再去！好掛住個湯底！」、「環境、招呼都一流」等等，又指該店性價比高。因此，港男亦遭網民大鬧「偷圖作文」！