港男大呻食海鮮被收加工費超「揾笨」 網民：又一宗笑話 你食XX就唔計

港男流浮山食海鮮被收加工費

流浮山一帶以海鮮和生蠔聞名，吸引了許多美食愛好者前來朝聖。在追求海上鮮味時，香港人絕對不吝嗇財力，數人同行吃一頓新鮮海鮮餐往往都要千元起跳。不過近日Facebook群組「食在元朗」就有網友發文，指在流浮山吃了一席索價$1323的海鮮餐，當中有被收海鮮加工費。該男網友表示，當日在流浮山明記酒家內叫了幾款海鮮，直到結帳時才被告知要收加工費，大呻「有啲唔明、有啲揾笨」！

無知大呻餐廳「揾笨」 埋單$1323

男網友認為餐廳選擇性收費，指如果自己在外面自行帶海鮮到餐廳代工，被收取加工費為合理；在餐廳內點菜則不用另外收費，「如果我係外面買收加工費係合理，點解係佢舖頭叫又要收呢，咁炒菜又吾收？」最後，更呼籲大家小心中伏，直言「去西貢食好啲」！

根據帖文中的單據顯示，明記酒家收了港男一碟油菜（$70）、一個小菜（$90）、海鮮（$764）、加工費（$300），再加上飲品和茶芥，一共$1323埋單。

港男不懂潛規矩 網民：無知！又一宗笑話

男網友一心好意發文提醒大家小心中伏，卻慘被反鬧。大多市民認為收取加工費很正常，直批事主無知，不懂食海鮮的潛規矩，「門口買海鮮，返餐廳幫你整，係收代工㗎喎，好正常呀」、「第一次食啊？不嬲都係咁」、「笑死人，你食套餐就唔計，不過係下欄嘢囉」。

網民認為海鮮是一分錢一分貨，吃套餐不會收加工費但新鮮情況則成疑，而港男這次埋單千三元已經算便宜：「算平啦，七個人喎，咁都叫貴喺屋企煮咪唔駛加工費囉」、「流浮山千幾蚊單都要吐槽只你一個」。

「去西貢食好啲」一句引議 網民維護明記酒家

流浮山和西貢都是本港吃海鮮的好地方，大部分網民並不認同港男「去西貢食好啲」的說法，「講得西貢平，你都幾得意」、「你7個人食海鮮收埋加工都只係$1323，你竟然話西貢仲平，你幾耐冇去過西貢？2個人食垃圾set餐都要500蚊埋單呀」！

更有網民維護直撐明記酒家已經明碼實價標示，並無任何問題，「代支海鮮764加工300，寫得好清楚」。而且明記「價錢合理夠公道」，是為人喜愛的一家酒家，認為「明記價錢及服務都不錯」、「明記我覺得抵食喎」、「樓主下次去流浮山其他海鮮酒家，就知明記原來好抵食」。