宵夜食流水蝦放題侍應唔加蝦反送上兩桶XX 食客力數3宗罪：係我問題？

飲食熱話

ctb029

Aug 2 2023

近年坊間多了不少吃流水蝦放題的餐廳，自己夾自己燒，新鮮得來好吃又好玩。不過近日有網民在Facebook分享與男友吃流水蝦放題宵夜的經歷，期間可謂「要乜無乜」，直言食到「勁失望」，更力數餐廳3宗罪！

宵夜食流水蝦放題結果勁失望！

事源樓主當日下午時份興起想吃流水蝦放題，但男朋友因為工作關係大概晚上10時才能吃飯，於是樓主上網找到位於佐敦某間流水蝦餐廳有宵夜時段晚上9時至12時，因為樓主之前都有幫襯過該店，於是就決定book枱。沒想到之後發生了令她非常失望的事情……

流水蝦放題近年坊間多了不少吃流水蝦放題的餐廳，自己夾自己燒，新鮮得來好吃又好玩 — 近年坊間多了不少吃流水蝦放題的餐廳，自己夾自己燒，新鮮得來好吃又好玩（圖片來源：新假期編輯部）

食客力數流水蝦放題餐廳3宗罪

1.魚缸無蝦但侍應拒絕加蝦只送上兩桶死蝦

樓主指當日大約10時入座，之後2人「夾咗兩轉蝦10幾隻」，就發現魚缸已經沒有蝦，於是向侍應要求加蝦，但待應卻表示「冇得加啦，不如我去廚房度攞畀你呀」，樓主和男朋友聽到後感到愕然，因為當時也不過10點半左右，就已經不能再夾蝦，心想「特登嚟食流水蝦，你幫我夾好晒，咁仲有咩意思」，但也只能接受，侍應於是拿了兩桶蝦給樓主，樓主指「嗰兩盤蝦已經係唔識郁」，侍應送上死蝦的行為令樓主非常失望。

流水蝦放題樓主想加蝦但遭拒，只得2桶死蝦 — 樓主想加蝦但遭拒，只得2桶死蝦（圖片來源：Facebook@飲食黑店大全）

2.未到11點已想截單逼人食串燒

之後還未到11點，距離宵夜時段結束還有1小時，就有侍應前來問樓主「2位仲有冇嘢想加」，樓主表示想加多一盤蝦，侍應竟指「唔好意思呀，啲蝦已經放返晒落雪櫃」，然後又指「你哋凍櫃仲有冇嘢想加，因為我哋要放返入廚房了」，即是不能再吃流水蝦，只能吃凍櫃裡的串燒，但串燒也準備要收起，樓主表示「聽到我O晒嘴」，直言「講真我嚟呢度食嘢，我亦都係主要係想食蝦姐。。。完全真係勁失望」。

流水蝦放題樓主想吃蝦，卻被告知「啲蝦已經放返晒落雪櫃」，只能吃凍櫃裡的串燒 — 樓主想吃蝦，卻被告知「啲蝦已經放返晒落雪櫃」，只能吃凍櫃裡的串燒（圖片來源：新假期編輯部）

3.宵夜時段少客但極多員工食客超尷尬

樓主又指，當晚宵夜時段只有他們一枱客，但「有10幾個員工喺度等緊我哋食完執嘢」，樓主坦言覺得非常不好意思，「好似阻住人收工咁」，認為餐廳在這個情況下，應該作出更好的人手安排，「得返一兩台客就畀啲員工逐啲逐啲收工返屋企休息啦」。樓主認為宵夜時段客人真的不多，其實不如取消，但假如餐廳想做宵夜時段，「就麻煩做返好少少啲質素，唔好令啲食客又食得唔開心，又令到啲員工難做」。

流水蝦放題樓主花了$680吃流水蝦放題，卻換來一肚氣 — 樓主花了$680吃流水蝦放題，卻換來一肚氣（圖片來源：Facebook@飲食黑店大全）

網民：香港依家啲餐廳做到趕客咁

不少網民也留言稱餐廳做法確實不當，直言「香港依家啲餐廳做到趕客咁」、「一肚氣仲要呢個價錢」、「個價又貴又迫又污糟又唔夠蝦，我都唔會再去」；也有網民分享自身經歷：「我都前晚食完，直頭冇蝦夾，都係夜晚10pm去，11:30pm已經趕你走」、「我個時假日2點去，食咗5隻唔夠，就話無哂蝦，要鮑魚無鮑魚，要帶子無帶子，要求佢減返錢，佢話唔得」。