榴槤燒核｜果欄$400貓山王劈開現黑心肉！職員指燒核 達人即解答｜飲食熱話

榴槤燒核食唔食得？

有網民於Facebook「果欄夜遊行 約大家去分箱」群組中，上載了一張打開了的榴槤照片，見到部分榴槤果肉變成啡黑色，他表示屋企人於果欄花400幾蚊買了一個貓山王：「打開咁樣，攞返去佢話燒核，正常可以食，我想問咩叫燒核？」

有網民留言：「水份唔夠，被太陽曬得太利害，唔係變壞，可以食。但燒左個舊通常無味，同埋好乾。」不少網民都表示可以食：「我之前買過都係咁，但食落無問題」、「食得，冇事」、「果園雨水少會咁樣架，正常可食！」但亦有人回覆：「已變壞咗。最好唔食。」、「變壞左啦！」

榴槤達人：可以照吃

就此事，《新假期》編輯部向榴槤達人「榴槤B哥」查詢。榴槤B哥指燒核，並不是火燒的意思，而是榴槤肉變色，外觀似被燒過，所以叫燒核：「其實是核嘅表面燒燶，不是榴連肉發生變質，燒核再勁啲，榴槤核的硬殼會燒穿連帶著榴連肉都會一齊遭殃，燒核接觸的榴連肉會黑色、硬啲、乾啲；輕度嘅燒核，一粒果偶爾有幾點，除咗外觀上唔美觀，其實冇乜影響，可以照吃。」

而燒核的最主要成因，榴槤B哥解釋是因為營養太多，甜度太高，水份唔平均導致，特別是季初和季尾較常出現。

網民熱烈留言 指控黑店是慣犯

雖然樓主只是想問大家甚麼是燒核，留意最熱烈反而是找出「黑店」！有網民分享了一張果欄生果檔的照片，表示：「我試過呢間，有問題之後就唔會再幫襯。」樓主回覆指家人表示就是從相中的生果檔買了燒核榴槤！之後亦引起其他網民熱烈留言：「呢檔好唔老實，伏過一次，似後唔幫襯」、「呢檔好差又唔老實」、「生果又唔靚態度又差」、「我都試過呢間瀨嘢，賣榴槤果兩個阿姐好蠱惑」、「我都中招，發毛生水」！亦有網民建議：「係街頭，即買開曬肉比你先要」、「我寧願去吉之島買， 去街市果欄通常都唔靚，如你唔識一定揀啲次品或就變壞的給你，冇仇報！」