章魚燒始祖日船結業！全線只剩旺角分店 預告將營業到明年3月！

章魚燒始祖日船全線結業！

日船章魚燒於九十年代中期在台中逢甲夜市創立，後由內地代理引進至香港，並逐步拓展至內地和美國等地。日船在香港擁有過最多六間分店，其章魚燒以外皮酥脆、內含爽口椰菜和彈牙章魚著稱，配上特製甜醬油、沙律醬和芥末醬，最後點綴以柴魚片，大滿足。

近日有港人於社交平台Threads上貼出一張相片，當中可見店舖貼出了結業告示：「租約期滿，本店營業至2025年3月份結業，多謝各位顧客多年一直對本店的支持」，帖子一出引來眾人討論。事主同樣感到可惜：「喺香港為數不多食得落口嘅章魚燒！最後一間就嚟冇埋，唔敢想像出年3月之後我嘅生活有幾黑暗」。

網民不捨：無童年回憶！

許多顧客在得知結業消息後，紛紛在網上分享他們的回憶和感慨，有人說「第一次食嘅時候讀緊中學，而家我仔都讀中學了」、「唔好啦，最鍾意食佢呢間 特別係啲醬」、「呢間好好食！！！$12食到而家」、「日船最出色係個沙律醬」、「好似食咗好多年」、「喺豉油街嗰陣已經成日幫襯….估唔到要執。佢而家呢個位有的確冇乜人留意嘅」。