麵包模型

日本料理師精緻麵包模型合集！玩味十足藝術風作品滋味又過癮！｜飲食熱話

May 26 2021

廣告

日本人出名有創意，做功又夠細緻！真係估唔到連麵包都唔放過！日本料理師森映子係IG分享自製嘅麵包模型，網民紛紛留言畀Like！要喺一塊咁細又軟腍腍嘅麵包上面，製作出咁唯美嘅作品，仲要食得又玩得，真係好需要料理師精細嘅手功㗎！

撰文：Sumi｜圖片來源：IG@estyle1010

日本料理師精緻麵包模型合集！

近期森映子將料理藝術融入生活中，令一塊本身平平無奇嘅麵包，搖身一變成為充滿藝術氣息嘅精品。由一開始只係喺麵包上面畫吓迷你圖案，到而家製作出可以拎上手玩嘅食品模型，完全感受到呢位日本料理師對廚藝嘅熱誠！簡單至栗米、雪糕圖案，複雜至麻將、餃子模型都有！森映子仲有出食譜書教人整唔同嘅料理。快啲Follow森映子嘅IG欣賞佢最新嘅作品喇！

呢個迷你麵包餃子真係夾得起蘸埋醬食㗎！（圖片來源：IG@estyle1010)

要唔要篤返粒章魚小丸子食啊？好足料㗎！（圖片來源：IG@estyle1010)

條鰻魚整到真嘅一樣，真係爭啲畀佢呃到！（圖片來源：IG@estyle1010)

呢個便當拎返學食夠哂過癮！（圖片來源：IG@estyle1010)

唔該嚟10個咖喱飯啊！（圖片來源：IG@estyle1010)

記者睇完森映子個IG，真係好想親眼睇吓佢啲作品嘅細緻程度啊！仲好想夾上手，食落口，親自試吓咁樣食麵包到底味道會唔會真係有唔同啊！你係咪都心思思好想食呢？

叫緊糊嫁喇！你地小心啲喇！（圖片來源：IG@estyle1010)

超迫真迷你麵包模型！（圖片來源：IG@estyle1010)

真係擲到嘅骰！（圖片來源：IG@estyle1010)

下次同朋友開Party，不妨試吓跟住森映子整啲簡易嘅麵包模型，畀個驚喜朋友！森映子仲有好多唔同嘅節日作品，應節又好味！

呢個咪傳說中嘅記憶麵包！考試前一定要食喇！（圖片來源：IG@estyle1010)

食哂呢堆冬甩都唔洗驚肥喇！（圖片來源：IG@estyle1010)

又點少得最出名嘅千與千尋呢！無臉男畫得好神似啊！（圖片來源：IG@estyle1010)

精緻小飯團！打個卡先喇！（圖片來源：IG@estyle1010)

食個Mini口罩落肚，疫情中為生活帶嚟一點樂趣吧～（圖片來源：IG@estyle1010)

連字都做到好精細，真係好用心啊！（圖片來源：IG@estyle1010)

狗仔都做到好可愛好迫真，真係無得輸啊！（圖片來源：IG@estyle1010)

望住隻咁可愛嘅史立莎，點捨得食落肚啊！（圖片來源：IG@estyle1010)

森映子仲有好多其他非常精緻嘅甜點作品！（圖片來源：IG@estyle1010)

睇完對森映子嘅手工製作有興趣嘅話，不妨Follow佢IG，跟住佢嘅食譜同教學，自己試吓係屋企整啦！

撰文：Sumi｜圖片來源：IG@estyle1010

關鍵詞

飲食熱話日本麵包模型森映子