日本開關＋香港「0+3」網民：香港壽司Omakase末日來了？｜飲食熱話

日本開關＋香港「0+3」 港人直飛日本食好西

城中熱話離不開「訂咗機票飛日本未」，幾乎身邊所有朋友都計劃好外遊。最近有網民以「日本開番關港豬仲食唔食濕X Omakase?」為題在連登討論區發文，隨即引來各持己見的兩派支持者發生罵戰，支持去日本食的網民表示會留番啲錢去日本食。另一邊廂，亦有網民認為香港師傅有獨特的優勢。

支持日本Omakase派：網民推論香港Omakase將有結業潮

哈日派的直指「留番啲錢去日本食」、「個價錢去日本都食到懷石料理同高級燒肉」、「有得去點解唔去日本？有錢嘅香港人唔會介意畀來回機票去日本食餐omakase」，更甚者寧願轉戰台灣搵食，「識食一定去台灣食，台灣級價錢，日本級享受」。有網民對於香港食omakase「一路唔明點解食飯要刷個師傅鞋」的文化不認同，直指「（香港）omakase係會執一輪，但只係執中下價位嗰堆，而本身收緊全城最貴天價果啲，即係araki呢啲係無可能會執，依然係日日有客」。

人紅自然是非多，香港不少Omakase餐廳訂枱要等到成年之後才有得食，加上水準及服務參差而惹來不少批評。部分網民聲言要「留番啲錢去日本食」，指以香港食Omakase的價錢可以在日本吃到高級懷石料理及和牛燒肉。推論一向算死草的香港人又點會留港消費，估計香港Omakase末日將至！

支持香港Omakase派：港人只懂踩香港師傅 香港Omakase水準拍得住日本

也有很多網民都不同意樓主的香港Omakase末日論，綜合網民看法有3大理據：

1.香港人無咁多時間飛

有網民指，「本身香港omakase（水準）絕對拍得住日本」，認為仍然有好多香港人會吃，加上「一嚟無咁多時間飛日本食。」

2.香港中上價omakase水準拍得住日本

此外，支持者認為香港omakase「味道真係同係日本食差唔多， 唔計價錢貴啲嘅話」、「想Omakase執笠果啲都唔會係食開果班客嚟，甚至可能一次都未食過，香港中上價以上嘅omakase真係高質」

3.唔識日文 跟日本師傅溝通唔到

當中最有力的論點，是「唔識日文去日本係食唔到omakase，就算食到都無意思，因為omakase 精髓係要同廚師交流」，「香港師傅都唔係好輸蝕，但香港人總要踩香港師傅」。相信香港高水準的Omakase依然有捧場客追捧，有價有市。