九龍城方榮記牛肉米粉賣$250碗 網民震驚：我食唔起！

九龍城方榮記牛肉米粉$250碗

九龍城方榮記向來都是香港人氣餐廳之一，不少人慕名前去用餐。早前有港男於Facebook發文大讚其牛肉米粉相當好味，更指自己本來是要叫牛肉河粉，不過河粉沽清唯有轉叫米粉，誰料味道令人驚喜，事主更大讚「原來牛肉配米粉，竟然是絕配，難怪食河粉口感總覺得美中不足，今次意外收穫，竊喜萬分」。不過，事主就指出價錢由原來$200加價至$250，略為可惜。

網民怒斥：自己煮唔好？

帖子引起眾人討論，不少人都大鬧價錢昂貴，怒斥餐廳劏客，「看著不錯，但係有點小貴」、「唔怪得知香港飲食業冇生意啦，劏人劏到離晒譜」、「鮮牛肉呢個價都係劏人」、「食碗麵要咁貴，真定假？」。網民紛紛表示沒有資格享用「食唔起」、「250蚊？！有冇搞L錯。。。。貧窮限制了我的見識」、「呢個價錢食日本和牛都得啦」。網民指寧願自己煮，「我自己買$250靚牛自己煮碗米粉應該可以食到我幾餐」。

得2種人會食！

有Mean爆的網民直指只有兩類人會幫襯：「得兩種人食，ㄧ係有錢，ㄧ係儍嘅」。有人表明即使有錢也不會食：「有錢都唔會咁樣嘥有啲唔合理嘅感覺」、「願者上釣，搵儍仔笨」。不過亦有人撐餐廳，「明碼實價我覺得OK嘅，一個願打一個願挨」。