新景園英國分店！灣仔老味道慰藉移英港人 咖喱豬扒＋乾炒牛河｜飲食熱話

新景園英國開分店！40多年灣仔人氣老店衝出香港

灣仔長龍店新景園咖喱小廚昨日於Facebook專頁宣喜訊，英國分店Second Garden 新景園曼城到會將於7月13日正式營業！新景園於1979年開業，是由老闆兩夫妻一手創立的大排檔小店，由最初的太原街，到後來的交加街、春園街，已經歷了40多年歷史。

第二代店主更有感而發，大派洋葱：「爸爸已過花甲之年，退休前，囑咐的，只有兩個字：『傳承』，我們一直未敢忘記，能做的，做到的，都定必親力親為。Second Garden新景園與本店，會將香港人的味道，香港人的精神，一直傳承下去！」

網民祝賀：英國揸三個鐘車上嚟都要食！

網民紛紛留言祝賀及支持：「簡直係曼城福音！」、「香港人加油」；更有不少移民英國的舊客留言一定會幫襯：「以前灣仔排長龍都要食，依家係英國揸三個鐘車上嚟都要食」、「準備去Manchester，一去到一定要幫襯！」；更甚有人表示：「為咗食新景園，我會特登飛去曼徹斯特，我住瑞典」；亦有網民表示羨慕曼城港人，跪求再開分店：「可唔可以開多間喺London 呀」、「羨慕曼城既朋友，真係有口福，期望遲啲有機會可以解放倫敦同伯明翰朋友個胃」。

新店「Popchop」知多啲

其實去年12月Second Garden已設有Facebook專頁，接受到會訂單及賣蘿蔔糕，經過半年多時間，曼城新店裝修終於完成。 最有趣的是新店門市名叫「Popchop」，皆因新景園一直以咖喱豬扒，於是就取Pork Chop諧音為名。店主更透露新店並非只有港式食物：「揀鋪時無留意原來成間中式takeaway 係正格離，撞到bang bang 聲，就想試下用唔同風格去見大家。」曼城港人可以期待一下新景園的新形象及Menu了！

雖然新店是外賣店，但鋪頭依然有一小張吧枱仔，有幾個位供堂食。大家如果想散叫到會Menu， 預早whatsapp 預訂就可以。店主更歡迎各位來新店吹水：「未來日子可以多啲見到大家，好多謝有你地一路陪伴，唔食野得閒過黎吹下水都得架。」

• 餐廳：Second Garden 新景園曼城到會「Popchop」
• 地址：325 Liverpool Road, Eccles, M30 8GF
• Facebook：secondgarden