新年餐廳食飯被自動加餸 帳單驚見「身體健康」 港人無奈：你夠薑話唔要咩？

餐廳新餸？帳單無啦啦多咗碟「身體健康」！

新年餐廳加價不意外，但若然被「加餸」就令人驚訝。有港人去年年初二到餐廳用膳，不過埋單時發現除了港幣$68的干炒沙嗲雞柳河、$9的凍奶茶外，還多了個$6「身體健康」的餸，不禁無奈說道「新年出街食嘢會自動『加餸』，你夠薑話唔要咩」。

網民力撐：新年流流要開工好辛苦！

有網民體貼表示餐廳及員工新年期間都要工作很辛苦，就算多付少少費用也很合理，「身體健康都係6蚊，抵呀！」、「又冇加一，仲有人地新年唔陪屋企人選擇返工，比多少少冇所謂啦」、「所有過年要開工嘅人都值得尊重」、「新年流流，人哋仲要開市返工，加少少咪當畀利是人囉，我呢啲搵唔得多住劏房嘅，都唔會在意係呢啲婆那數上邊」、「不嬲都係咁㗎啦，以前好多地方初一至初三四左右都唔開嘅，有開嗰啲收加二加三都有，都唔知有乜好攞出黎講，好似咩都唔識咁」。網民更串咀表示若不想付額外服務費，就留在家中不要外出食飯，「$6都畀唔起，真係唔好出去食啦，去便利店叮飯食杯麵算啦」。

相反意見：新年加價根本就是社會歪風！

不過亦有網民持相反意見，指出餐廳有額外收費根本就是「社會歪風」、「趁火打劫」，網民激動地表示此做太過法巧立名目，店家龍門任店家隨便擺，「嘅咩嘢服務令顅客身體健康？」、「正式奸商，此風不可長」、「恭喜發財$15、精神爽利$20….無限大咁都得」、「如這樣講法出入平安6元、身體健康6元、下年聖誕快樂6元」，最後食客只會被任劏不能反抗。

網民反駁：問題係唔一早講明要收加一！

理性的網民點出並非收服務費有問題，而是店家沒有一早表明，「問題係唔老實！要加價請事先講明。以前酒樓一定在門口貼大張紅紙講明年初一至三加幾多幾多的」、「新年收多啲唔係問題，最緊要講清楚，門口寫到明，消費者有權選擇幫唔幫襯」、「Exactly，最怕冇講，老馮自動加錢」、「不如寫明加一、加二、加三， 幫唔幫襯由得你，條氣順啲」。

資料來源：Facebook群組@香港飲食好地方