新年美味攻略！品嘗極品鮑魚盛宴＋換購「多啦A夢賀年百寶盒」

Jan 7 2025

農曆新年就到，過年要辦年貨、買新衫，仲要預備同親朋好友嘅團聚美食，諗起都頭痛？新年想輕鬆同親友聚埋食餐好，其實好簡單，㨂寓意團圓美滿嘅盆菜就最適合不過。大家樂「鮑魚花膠海參福袋盆菜」用料十足，絕對係今年團年飯嘅必選之一。如果想同情人靜靜地過，仲有$198極品鮑魚賀歲2人晚餐，包括「萬事如意2人餐」、「豐衣足食2人餐」，加$128即可以換購「多啦A夢賀年百寶盒」𠻹！

新年美味！極品鮑魚+多啦A夢百寶盒（圖片來源：大家樂） — （圖片來源：大家樂）

鮑魚花膠海參福袋盆菜豐盛團年飯

講到團年飯，鮑魚、花膠呢啲矜貴食材一定唔少得。大家樂嘅「鮑魚花膠海參福袋盆菜」，落足心機烹調，用料豐富，而且味道一流。盆菜嘅主角——鮑魚，特別選用李錦記蠔皇極品鮑魚，鮮嫩多汁。加上蠔皇嘅濃郁香氣，每一啖都可以感受到鮑魚嘅鮮美。除咗鮑魚，仲有挪威花膠同海參，營養豐富，口感彈牙。

另一必食推介，產自韓國嘅大蠔豉，香濃鮮甜，金黃飽滿，為整道菜增添鮮味。仲有吸收湯汁精華嘅花菇、鵝掌、南乳炆蓮藕、南乳炆腩仔、沙嗲豬皮、沙嗲魷魚全部都係精心炮製，經過數小時炆燉烹調，保證入味提鮮，令全家人食得滿足！

新年美味！極品鮑魚+多啦A夢百寶盒「鮑魚花膠海參福袋盆菜」細選高級食材，每一啖都係滿滿嘅鮮味。（圖片來源：大家樂） — 「鮑魚花膠海參福袋盆菜」細選高級食材，每一啖都係滿滿嘅鮮味。（圖片來源：大家樂）

新年美味！極品鮑魚+多啦A夢百寶盒盆菜特別選用李錦記蠔皇極品鮑魚，鮮嫩多汁，回味無窮。（圖片來源：大家樂） — 盆菜特別選用李錦記蠔皇極品鮑魚，鮮嫩多汁，回味無窮。（圖片來源：大家樂）

極品鮑魚賀歲盛宴二人晚餐輕鬆嘆

如果想同另一半或者摯友慶祝新年，大家樂嘅極品鮑魚賀歲盛宴都只係$198！呢個二人晚餐set有兩款餐單：「萬事如意2人餐」同「豐衣足食2人餐」。兩款餐單包括是日老火湯(2客)、五褔臨門燒味拼盤同是日晚市小菜，仲有白飯(2客)同中國茶(2杯)。「萬事如意2人餐」嘅主菜係金雞報喜（鮑魚豉油雞），而「豐衣足食2人餐」就有乾坤滿門（鮑魚金菇扒瓜甫），係咪忍唔住，今晚想即刻去試吓！