港女幫襯人氣散水餅店客服狂覆Emoji 港女唔明追問反被封鎖最後仲收律師信？
港女訂購人氣散水餅店商品大叫中伏
一名網民日前在連登討論區出post，指因為last day將近，因此要準備散水餅，「然後見到呢一間舖頭有幾十幾萬（實際是1萬多）follower咁應該都OK 點知中伏！」。事主根據訂購指引下了單付了款，之後再WhatsApp與店家聯絡以確認訂單，店家回覆要求客人填妥google form，店家收到後會再以Email回覆。事主指表格中有一欄必填項目是「送貨地址」，但事主因為想直接去到實體店自取，因此在WhatsApp中向客服查詢「自取需唔需要填」。
客服回覆Emoji、港女追問反被指責
事主向客服查詢後，店家回覆一段「注意事項」，但就未有直接回答「自取需唔需要填」，於是事主再次追問，店家依然未有直接回答，只以兩個Emoji「👆🏿🙏🏿」作回覆。事主追問當日可以自取的時間，店家只簡單回答「12-6」，然後再以3個Emoji👆✔️🙏回覆，事主怕有誤會，於是追問「（👆🏿🙏🏿）呢個係咩意思」，但換來的卻是店家連續以👆🏿🙏🏿作回應，事主疑惑表示「問佢個emoji咩意思之後佢就繼續覆emoji」，然後詢問客服「就咁打個『要』字係咪好難」，店家又再次send出該段「注意事項」，更開始指責事主「作出無根據不合理推斷」，又指「閣下的不合作行為已對團隊運作造成騷擾」，更威脅「將封鎖閣下帳號」。
客服指客人均可「自行理解」、事主怒轟客服態度差
事主之後表示已填表，但就為CS態度表示不滿，怒轟「如果你唔想做呢單生意，你可以退錢」，店家即回覆「不設退款機制」，更繼續指責事主多次「對團隊運作造成騷擾」，然後繼續以👆🏿🙏🏿回覆樓主，指已經多次回答事主問題，更指「一段人客均能自行理解官網上的送貨安排」，暗指事主有問題，更提供消委會、海關及警署電話，指「如閣下尚有不明白，歡迎閣下自行向以下機構查詢，以補充閣下自身法律知識的不足」，事主認為客服態度囂張，因此把事件放上網，更批評「即係如果客人有問題你作為客服你唔可以幫手？ 咁要客服來做乜嘢？」，更指「真係第一次見到咁X嘅客服」。
店家警告會出律師信、事主更新事件後續
事主把事件放上連登討論區後，因為引起網民關注，成為熱門話題，當晚事主就收到店家的WhatsApp，指會寄律師信去事主舊公司，指事主的說話是「不實指控」，但因為事主是自取，沒有填地址，因此事主懷疑對方是「特登喺社交媒體或其他渠道搵到我嘅地址」，非常恐怖！
網民留言指責店家、網上負評多更曾公開客人資料
不少網民看完事主的分享，都認同店家的態度的確有問題：「真係好onX，直接打答案唔X得，個WhatsApp要嚟做乜」、「打隻字大家都清楚，依家估估下，間鋪都幾onX」、「個客唔明都堅持打emoji 真係好onX，完全冇誠意溝通」、「睇到啲onX emoji都炆，嫌客人煩可以唔好開鋪」；更有網民分享中伏經歷，更指原來Google 及OpenRice有不少客人有相同經歷，只要稍有疑問向店家查詢，就會被冠上「對團隊運作造成騷擾」的罪名，輕則被公開個人資料及客人的送貨地址，重則如樓主一樣會收律師信！不少網民都認為店家的態度非常有問題，你又有什麼看法？
