港夫婦深圳食¥538位日式放題 狂食70隻海膽！網民嘆為觀止：食量驚人！

港夫婦北上食日式放題狂食70隻海膽　網民：食量驚人！

通關後，好多人都北上玩樂狂試性價比高的餐廳。有港人夫婦因為趁住結婚週年北上慶祝，到訪日式放題餐廳「極上萬膳」。他們選了「臻選」的自助放題套餐，收費¥538人民幣一位，都屬於北上較豪華的消費。

他們表示，這價錢的日式放題已包含多款海鮮刺身和高級料理，而他們就特別愛吃活海膽和鰲蝦，雖然日式放題餐廳規定每次點餐最多只可以點20隻鮮活海膽，但就不限次數。因此他們就叫全部都係海膽，2個人一共食了70隻，一個晚餐平均每人進食了30多隻鮮活海膽，食量相當驚人！

港女更指「食海膽食飽係咩感覺，如果唔係食咗啲蝦有啲膩，我覺得我哋可以食到100隻。」還真是「食返夠本」。

不過，他們亦有指出日式放題餐廳有一缺點，「間嘢最主要嘅問題係上菜好慢，真係要有啲耐性，但啲刺身係夠凍同足數嘅」不過即使送餐需要較長的時間，依然無阻他們暢飲暢食。

好多人都認為事主介紹的日式放題性價比高，表示餐廳的刺身擺碟好震撼，好想北上試試味。不過亦有網民在這間日本餐廳有不好的經歷：「我食過最貴嘅餐，活海膽賣晒，就連普通手指尾甲大細嘅海膽叫咗5粒然後就賣晒，做唔起唔好學人做放題，不過整體唔算好差」。

不過，有人又指餐廳曾經被內地網紅劣評，話成日扮冇貨。有網民又指：「俾相呃咗以為好食，點知好難食，海膽無味！」不過，事主就指由於要求不高，不一定要吃日本產海膽，所以覺得這間日式放題性價比很高。