撈冷麵食譜｜自家製童年回憶$1冷麵 記者實測：呢款醬汁神還原｜飲食熱話

撈冷麵食譜｜童年$1包撈冷麵

90後的學生哥必定有食過$1一包撈冷麵，自選配料及麵底後，必定同靚姐柯打多蒜少辣，食足10款餸都只需$10。不過童年回憶總敵不過通脹，現今要食，至少$5一包。

最近有網民在Facebook專頁「Chef Chu’s廚房零失敗今晚煮好餸烘焙飲食放毒區」分享在家自製撈冷麵食譜，購買大量配料及麵底，自製調味料，再用密實袋盛裝，不論味道及外觀，都極似童年食開的撈冷麵，而且價錢便宜，讓大家在家密密試整！

記者實試 自製撈冷麵！

撈冷麵食譜製作上簡單，只需要購買食材及調配醬汁即可。身為90後的記者實試自製撈冷麵尋找學生時期的回憶，最經典的食材莫過於中華沙律、螺肉、蜆肉、八爪魚等，這些食材均可在Aeon購買，有市民更建議以上材料可在凍肉舖選購大包裝，更加抵食；麵底方面，今次記者選用了油麵，在街市則有貨。

除可即食的配料，其餘未熟的食材如香腸、蟹柳、麵底，可先滾起後過冷河待用。醬汁方面，樽裝蒜蓉醬、蒸魚豉油、蠔油、麻油，靈魂之最為是拉差辣椒醬，將撈麵昇華！有網民提議選用李錦記的是拉差辣椒醬，不過經常缺貨，買到要靠運氣！若過嗜辣的話，有網民提議可以余均益代替。

網民：要食完肚痾才叫童年回憶

事件引來大批網民留言，有網民說道：「所有青春嘅回憶都返晒嚟！」，同時有網民認為在家製作太衛生，稱食完街邊撈冷麵後肚痾才稱得上童年回憶；也說在家製作的分量太多，沒有吃不飽的感覺，認為始終欠在街吃的風味。