「提子乾好難食！」網民反應兩極：太甜有怪味 VS 有藥用價值｜飲食熱話

連登討論區：提子乾難食到嘔

有位網民太討厭提子乾，在連登討論區發帖，標題為「邊個XX發明提子乾，好X難食」發文：「細個屋企人成日俾呢盒野我做零食，自此一見到啲餸菜入面有提子乾都想嘔，一定要撩晒佢出嚟先可以食」樓主繼續留言大彈提子乾：「濃縮化學味」、「有浸益味」。

想不到帖子也召集了不少同道中人：「原來有人同我一樣都覺得好難食」覺得其質感又霉又冧：「提子乾真係好反胃，無論齋啪、做cake、整餸都救唔返，果種霉霉濕濕淋淋既質感令我諗起中式臘乜臘乜」不明白為什麼有新鮮水果不吃，反而吃果乾：「香港地日日有新鮮水果點解要我地食果乾」覺得提子乾糖份太高：「一粒提子既糖分變哂一粒乾，食落唔覺唔覺但好易爆血糖」以提子乾入饌，更是受不了：「我細個食過提子乾包2次都嘔，難食到」更嚴重到要狠下咀咒：「發明提子乾都算，放落麵包度果個應該誅九族」提子乾更是不少人的童年陰影：「好x難食，細個幼稚園食茶點比老師迫住依（食）提子包，食到我喊晒都要繼續食，有陰影」。

網民力撐：不知幾好食

不過亦有不少網民不同意樓主，覺得提子乾：「不知幾x好食」雖然有點甜，但好吃：「好食喎，但真係好甜」更問樓主是否吃了過期提子乾才這樣：「係咪你屋企人比啲過期嘅你食」。

網民更分享提子乾不同的食法，包括粗暴簡單直接成盒啪：「成盒一啖過食 好正」提子乾曲奇、聖誕果乾麵包、提子麥包都好好食：「藍罐有提子乾又覺得OK」、「下，提子麥包好食喎，聖誕個d果乾麵包都好好食」、「提子麥，糧尾救星」更分享可加提子乾落燕麥早餐，甚至浸vodka：「識食一定加落早餐 cereal 一齊食」、「浸vodka其實幾好食」更提到菠蘿炒飯：「點解菠蘿炒飯要有提子乾」立即有飲食達人回應：「個飯要有果味，有甜味。但係有菠蘿再加鮮果會太濕，同埋菠蘿本身酸甜酸度較低，甜味柔和啲嘅提子乾可以平衡返……提子乾亦可以增加一種口感令成個飯更加立體同冇咁悶」嘩！好詳細。

提子乾竟然有藥用價值？

有網民提到藥材舖有提子乾賣，立即引來其他人質疑：「提子乾係藥材？醫咩架？智障？」原來唔講唔知，提子乾真的是藥材呀！立即有達人科普回應：「註冊中醫師關應春指，在中醫角度，提子性平，味甘酸，入肺脾腎經。 提子乾有益肝腎、生津、止咳除煩之功效。 另外，提子不但藥性溫和，適合各年齡層人士，市面上的提子乾也是價格親民，適合偶爾當零食或用作苦茶送口。」之後更貼出西方醫學文章，提到提子乾含有抗氧化物，除了能降低患上糖尿病、骨質疏鬆症和癌症等慢性疾病的風險，還可能具有抗炎、鎮痛和保護大腦的特性。網友更提出有以提子乾醫濕疹的偏方：「每日朝早空肚飲一杯提子乾沖熱水，連續一個月咁做，可以對濕疹有改善，有濕疹問題既可以試下」其實提子乾水醫濕疹的偏方，嚴浩都有推介過㗎！