粉麵店為慶祝張家朗奪金推出跟餐飲品免費　因1事被網民恥笑孤寒！

粉麵店為慶祝張家朗奪金　推出飲品免費

有網民在Facebook群組「香港茶餐廳及美食關注組」分享一則帖文，指樂園粉麵店在店內張貼告示：「恭賀張家朗衛冕成功取得金牌，樂園今日再請大家飲番杯！今日全日跟餐飲品免費」﹐事主更寫道「咁有心，咁去幫襯吓嘆返杯啦！」此舉引起了不少網民的關注和討論。

網民質疑誠意：跟餐再免費飲品？

雖然店家送免費飲品是好用之舉，但不少網民都對跟餐再送飲品此舉提出疑問﹐認為餐廳的做法沒有誠意，是「文字偽術」。

• 「本身跟餐點樣做到免費？」
• 「叫得餐原本就要跟飲品喎」
• 「跟餐唔係有嘢飲咩，不如索性就咁入去請人飲一杯會唔會好啲啊！」
• 「點解唔係單點一碗麵送飲品？全日跟餐嗰個餐，本身唔包飲品？」

熟客解釋：本身跟餐要加$8

對於網民的疑問，有熟客出面解釋說，通常跟餐是不包括飲品的，「好多都要加3-7蚊」。另一位熟客補充說：「你放大啲張圖，飲品跟餐係$8」，亦有網民指出客人不應太計較，「而家嘅香港做飲食唔易，大家可能覺得幾蚊係小恩小惠，但全日咁多個幾蚊都係一個數目，餐廳可能寫得唔夠清晰，但都係對運動員嘅支持同鼓勵，大家多啲欣賞，相信好人好事自然會更多」。