內地「山寨DONKI」2年極速擴展傳破產？「中國版堂吉柯德」之稱｜飲食熱話

Aug 17 2022

內地「山寨DONKI」出現了！近日有專頁發帖，揭露內地網紅超市BOOM BOOM MART繁榮集市抄DONKI唐吉訶德，專賣過期零食，引來不少網民熱議。BOOM BOOM MART舖頭的裝潢和DONKI頗為相似，出售零食飲料、護膚品、日用品、服飾等，當中不乏日本品牌。大家又覺得似唔似DONKI呢？

內地「山寨DONKI」引來熱議BOOM BOOM MART定位十足Donki

近日有專頁發帖，上載了內地網紅超市BOOM BOOM MART繁榮集市的相片，相片中可見其舖頭裝潢及擺設都與DONKI有幾分相似，帖中更提到「上海『山寨DONKI』專賣到期零食，國產驚安極速破產因抄漏一樣嘢」，引來不少網民留言討論。

對於賣過期食物一事，網民表示「係咁食過期野，今次真係唐吉屙得」、「人哋DONKI 會不停播洗腦歌『DON DON DON, DONKI！』，呢間有冇抄埋人哋旋律整隻『過過過，過期！』」更有人笑言「山寨DONKI」比正貨混得更風山水起「最後分店數目可能會超過Donki」、「唔好話人山寨，轉頭上市令你輸得口服心服！」、「唔知等幾耐呢間Boom Mart告Donki侵權」、「等睇佢喺日本開分店」。但亦有網民力排眾議力撐：「公平講句，其實都唔算係假Donki，咁都認錯真係要驗眼」。

小

山寨DONKI 專頁發帖揭露內地網紅超市BOOM BOOM MART繁榮集市抄DONKI唐吉訶德。 — 地「山寨DONKI」出現了？專頁發帖揭露內地網紅超市BOOM BOOM MART繁榮集市抄DONKI唐吉訶德。（圖片來源：Facebook@singmajority）

山寨DONKI 唐吉屙得？好有創意。 — 唐吉屙得？好有創意。（圖片來源：Facebook@singmajority）

山寨DONKI 網民甚至幫忙作主題曲。 — 網民甚至幫忙作主題曲。（圖片來源：Facebook@singmajority）

山寨DONKI 隨時威到上市。 — 隨時威到上市。（圖片來源：Facebook@singmajority）

山寨DONKI 網民笑言Boom Mart有機會告Donki侵權。 — 網民笑言Boom Mart有機會告Donki侵權。（圖片來源：Facebook@singmajority）

山寨DONKI 但亦有網民力排眾議力撐。 — 但亦有網民力排眾議力撐。（圖片來源：Facebook@singmajority）

成立僅2年，已傳破產？

原來BOOM BOOM MART繁榮集市於2020年9月於上海成立，產品覆蓋零食飲料、護膚品及服飾，定位為「您身邊的寶藏折扣店」，亦毫不掩飾、開宗明義以日本DONKI為藍本，曾有「中國版唐吉柯德」之稱，舖頭裝潢、商品擺設及品牌定位都與DONKI頗為相似。

超市以大折扣優惠售賣快過期的商品，成為網紅打卡熱店，小紅書網民提到：「原本十幾二十幾的零食，你在這裡幾塊錢就能買到」、「有網紅零食、調料、居家、生活日用品等，東西一應俱存，並且還很便宜，因為都是一些臨期產品，性價比很高」，超市迅速擴展20間分店，更揚言要開足60多間分店，並計劃上市。不過，最近這間國產「山寨DONKI」母公司就傳來破產消息。難道真的是來也匆匆，去也匆匆？網民「超越DONKI」的笑言恐怕無法實現了！