港女怒數尖沙咀酒店$698自助餐5宗罪 大鬧「憑咩呢個價錢」
港女怒數尖沙咀富豪九龍酒店自助餐5宗罪！
有女網民最近於Facebook群組「飲食黑店大全 (全港食店質素關注組)」怒數位於尖沙咀的富豪九龍酒店自助餐5宗罪，更直指「真係好唔掂」、「真係想問憑咩呢個價錢」，認為自己中伏。立即看看有甚麼罪狀！
罪狀1. 刺身得4款＋無長腳蟹
平時一到自助餐，總會到刺身區開開胃，通常會有三文魚、吞拿魚、北寄貝、帶子、希靈魚等選擇，不過今次事主則表示自助餐的刺身選擇偏少，只有4款，加上凍海鮮也只有蝦及蜆，事主不禁指出「連長腳蟹都冇」，讓事主不太滿意。
罪狀2. 小食得6-7款！肉眼扒嚡身＋湯有螞蟻
熱盤方面選擇也不多，僅有6-7款。事主表示最貴的是避風塘龍蝦鉗，可惜太過乾身，不夠Juicy。肉眼扒方面口感偏嚡，而湯品上還有螞蟻，令事主認為質素不太好。
罪狀3. 焗龍蝦1小時才上
焗龍蝦可是今次自助餐的重頭戲，每人限一隻，是餐廳自行上菜。不過事主表示自己由6:15pm入座，坐到8:15pm才有，等候時間過長，讓事主表示「限定甜品火焰雪山都拎得，都仲可以未有龍蝦」。
罪狀4. 甜品質素惡劣
來到甜品方面，當中的火焰雪山為限定甜品，8點鐘開始排隊拿甜品。事主表示當自己排隊等候火焰雪山時，職員卻把甜品派給一旁圍觀的食客，事主問道「點解唔使排隊」，職員卻回答「係呀，唔使㗎喇」。加上蛋糕乾身，豆腐花過嚡不夠滑嫩，雖然好在有MÖVENPICK 雪糕，但亦讓事主深感不滿。
罪狀5.CP值低
種種不滿讓事主不禁大鬧「真係想問憑咩呢個價錢」，更貼出自助餐餐牌，表示自己光顧時段為公眾假期晚市，即是$698/位，CP值甚低，難怪讓事主忍不住發文大鬧。
網民笑指：「咩水準一直出晒名！」
事主帖文一出後，立即引來網民關注，有網民得知中伏酒店是富豪九龍酒店時，直指「富X系列全線係咩水準一直都出晒名，你肯花咁嘅錢去幫襯，相當難得」、「我感覺到的食物，真係唔吸引」、「呢間酒店集團全部都咁西㗎，無例外！」、「食富豪真係買教訓當交智商稅」、「唔係免費都唔好去」、「食富豪仲衰過食茶記」。
亦笑指事主願意幫襯已是相當難得。（圖片來源：Facebook群組@「飲食黑店大全 (全港食店質素關注組)」）
更有網民指出其他中伏事件，表示「早餐先恐佈，全部隔夜㗎！或者尋晚食淨佢哋收返埋，第二朝俾返你㗎」，事主亦指出「我頭先見到個朱古力噴泉出晒油，都估放咗好耐，所以拎咗都冇食到」。
