Mr. Steak$498和牛威靈頓牛扒切開係碎牛大批網民中伏經理做法意外獲讚

Feb 20 2023

理想中的威靈頓牛扒，外層的酥皮包著Juicy肉厚的鮮嫩牛柳，奈何理想和現實總是有差距，不過如果差距太大，確是令人「火都嚟」，近日就有網民在牛扒關注組大呻中伏，到一間牛扒專門店吃威靈頓牛扒，切開究竟似碎牛？！直言：「對威靈頓牛扒嘅幻想幻滅」，誰不知帖文竟然引來大批同道中人，大喊中伏：「碎牛扮牛柳」、「好似煲湯肉咁」。究竟有幾災難？面對威靈頓碎牛的重創，經理竟然力挽狂瀾，神處理意外獲讚？！

Mr.Steak Buffet半自助餐優惠

＄498/2份威靈頓牛扒切開似碎牛？！

網民在Facebook「香港牛扒關注組」發帖，大呻吃威靈頓牛扒的中伏經驗，發文：「如果去食威靈頓牛扒真係要睇清楚佢入面係用乜嘢牛做，如果唔係你對威靈頓牛扒嘅幻想幻滅」，上載了一張牛扒專門店的「日本和牛威靈頓」餐牌，餐牌中的威靈頓牛扒賣相非常吸引，酥皮包著紅嫩肉厚的牛肉，令人食旨大動，盛惠＄498/2份。但其餘兩張真實相片卻和餐牌的大相逕庭，樓主切開了威靈頓牛扒，酥皮內的牛肉「碎濕濕」，賣相真的麻麻，並不如餐牌中的牛肉那麼完整，完美演釋了理想和現實的巨大差距，令樓主非常「激心」。

威靈頓牛扒碎牛樓主在Facebook「香港牛扒關注組」發帖，大呻吃威靈頓牛扒中伏，上載了一張牛扒專門店的「日本和牛威靈頓」餐牌，和兩張真實上枱的相片。 — 樓主在Facebook「香港牛扒關注組」發帖，大呻吃威靈頓牛扒中伏，上載了一張牛扒專門店的「日本和牛威靈頓」餐牌，和兩張真實上枱的相片。（圖片來源：Facebook＠香港牛扒關注組）

威靈頓牛扒碎牛餐牌中的威靈頓牛扒賣相非常吸引，標明選用日本和牛，酥皮包著紅嫩肉厚的牛肉，令人食旨大動，盛惠＄498/2份。 — 餐牌中的威靈頓牛扒賣相非常吸引，標明選用日本和牛，酥皮包著紅嫩肉厚的牛肉，令人食旨大動，盛惠＄498/2份。（圖片來源：Facebook＠香港牛扒關注組）

威靈頓牛扒碎牛切開後，牛肉散開不完整。 — 切開後，牛肉散開不完整。（圖片來源：Facebook＠香港牛扒關注組）

威靈頓牛扒碎牛牛肉「碎濕濕」，賣相和餐牌中的圖片相距甚遠。 — 牛肉「碎濕濕」，賣相和餐牌中的圖片相距甚遠。（圖片來源：Facebook＠香港牛扒關注組）

貨不對辦，碎牛扮牛柳

大家都非常同情樓主，覺得離曬大譜：「即係碎牛扮牛柳？」、「散嘅」、「似係薄牛要roll埋一卷」、「根本就係一塊牛肉，之後卷埋佢」，有貨不對辦之嫌：「圖片只供參考」，並有人覺得餐廳不老實：「佢捉字虱淨係話和牛威靈頓，由始至終，都冇講過係牛扒」，樓主都回應：「佢係張薄嘅日本和牛卷埋，再造成威靈頓牛扒」，並大彈：「佢話係和牛，但係都好難食」、「我第一次食咁難食嘅和牛」，亦引來不少人和應：「失望，完全係難食。」

威靈頓牛扒碎牛樓主覺得就算用和牛，這樣的威靈頓還是好難吃。 — 樓主覺得就算用和牛，這樣的威靈頓還是好難吃。（圖片來源：ViuTV《大叔的愛》截圖）

威靈頓牛扒碎牛有人覺得餐廳取功，捉字虱。 — 有人覺得餐廳取巧，捉字虱。（圖片來源：Facebook＠香港牛扒關注組）

威靈頓牛扒碎牛牛肉散開，皆因是用簿牛肉卷起。 — 牛肉散開，皆因是用簿牛肉卷起。（圖片來源：Facebook＠香港牛扒關注組）

威靈頓牛扒碎牛碎牛扮牛柳。 — 碎牛扮牛柳。（圖片來源：Facebook＠香港牛扒關注組）

大批網民大呻大伏！

想不到樓主並不孤單，皆因有不少人有同樣的中伏經驗，一石激起千重浪，引來不少網民留言分享中伏經過，並上載圖片引證，只見切開了的威靈頓中間有大量肥膏：「我都伏已中，中間嗰層全部都係肥膏，叫咗2份，都係咁樣，換咗1份。」另外一位網友上載了一張切開的威靈頓牛扒，橫切面明顯見到是卷起的牛扒：「原來咁多人中伏，我一切開都呆左，乜料。」另外一位網友切開的威靈頓牛扒同樣「碎濕濕」：「我都中伏」、「你果個已經好啲，我果個直頭好似煲湯肉咁」最後向經理投訴，直接減錢作補償。

當然亦有網民食完覺得沒問題，留言並上載了所吃的威靈頓牛扒相片，切開後非常四正：「早幾日去食的」、「月頭去食，又無見咁樣喎」。面對威靈頓牛扒的災難，相信經理都好難做，要力挽狂瀾真的不容易，意外獲網民力讚：「俾返個like個經理，處理得好好」。