葵涌餐廳$2,844海鮮餐被指天價！廚房雜項都要收$680 網民憑一樣嘢反撐餐廳

葵涌餐廳驚現天價海鮮餐？埋單要$2,844街坊大嗌好貴！

有住在石籬的街坊於Facebook群組發文大呻，自己早前一行10人光顧了葵涌某餐廳小廚，柯打了數款海鮮及啤酒，但埋單竟然收$2,844，讓事主嘩然。

而看看事主貼出的帳單，發現當中「蒜蓉粉絲蒸扇貝」索價$700， 而「蒜蓉開邊蝦」則要$498， 但最令人費解是一項廚房雜項竟要收$680.。事主表示「蒜蓉開邊蝦我都是冇問價錢，收我地$498， 去酒樓吃都冇咁貴」。

雖然從事主張貼的菜式照片中可見，蒜蓉開邊蝦及扇貝相當大碟，不過事主仍然對於蒜蓉開邊蝦的價錢感到愕然。

至於廚房雜項，原來是冬系盅！而事主指平日到酒樓點冬瓜盅只是$200， 但落單後發現這店竟然開價$680。價錢之高讓事主不禁重三強調「$680， 講多次係HK$680， 食水好深囉」。

質疑被劏！店員回覆；價錢由廚房師傅開！

當事主埋單時，他們有詢問店員，為何冬瓜盅會列入雜項，而且價錢那麼高昂，比酒樓更貴。但店員則回覆價錢是由廚房師傅定奪，他們並不知道。故事主寫道「我哋走嗰時咪話，咁鬼貴，酒樓都冇收咁貴，條友當聽唔到，你咁劏人，冇下次囉」。

網民反撐餐廳：怕貴返屋企煮囉！

不過一眾街坊看到帖文後，卻反撐餐廳。首先認為人均每人$200左右，其實是正常價錢。而一般出外食普通嘅都要二百多，仲非海鮮類，故指「10人食分200元一人唔貴囉！」。也有網民認為「條鱔十人食都係120算好平啦，成餐飯除開280一個人出去食海鮮晚飯，邊忽算貴啊！怕貴返屋企煮啦」。

亦有人撐餐廳收費其實算平，而且賣相吸引，又多選擇。更表示在外國吃中餐才叫劏客！

而最重要是，不少網民認為是事主沒有問清楚店員價錢，沒有看清楚才落單，故不能怪餐廳，責任是出於事主身上。