港男嚴斥大陸爆紅「鮑師傅」完全唔好食 肉鬆包被爆非鮮製！

深圳爆紅「鮑師傅」完全唔好食？

肉鬆小貝由戚風蛋糕、紫菜肉鬆及沙律醬組合而成，整體味道鹹鹹甜甜，口感豐富，引起港人追捧。有網友指購買「鮑師傅」需要排隊2小時以上，掀起港人搶購潮，更有網友發現，深圳回香港的地鐵車廂中有九成人也提着他的外賣紙袋！

不過，近日有男網民於Facebook群組「香港人在深圳交流群」發帖指「鮑師傅」完全唔好食，大膽直言其麵包名過於實。發文者表示當日與朋友結伴試食人氣鮑師傅，卻食到「一齊反白眼」，直斥「不可一不可再！吹到天咁高，普通過普通麵包鋪嘅貨色。只可以講佢好識搞marketing！唔難食，但唔係特別好食，只係普通野一個。」

直插「鮑師傅」4大缺點 網民：其實本地人都冇再食！

帖文一出引起熱討，支持發文者的網民抱有共嗚，表示「真係普通，唔係難食，唔叫好食，係唔會再買」、「一般到非常！太漏，要排隊請我都唔食」、「香港人係喜歡人買我買，唔好執輸，其實本地人都冇再食」。直數4大缺點：排隊輪後時間長、太甜太漏、價格與食物質數不成正比、肉鬆包被爆非鮮製！

有人不喜歡，同時有人喜愛。不少網民認為鮑師傅好食，指樓主形容「完全」已經過於偏頗，認為鮑師傅「唔係差，唔會係完全唔好食囉」、「好食喎，口感好特別」。更有人笑言「樓主係排咗好耐先買到，所以評價比較激動？」。

肉鬆包被爆非鮮製

據網民拍攝的照片顯示，在「鮑師傅」門店外放置的供應商紙箱上，印有「海苔酥脆鬆 BSF(鮑師傅)專供」字眼和「海苔肉鬆小貝」圖片。這些產品的製作供應商被標記為「味斯美」，是一家位於內地的食品公司。

照片曝光後，許多網民對此表示驚訝和質疑。有些人表示他們原本以為「鮑師傅」的肉鬆小貝是現場製作的，但現在發現這些產品可能是從「味斯美」進貨的。這一事件引起了廣大網民的討論。一些人對「鮑師傅」的做法感到失望，認為他們沒有遵守所聲稱的即做即賣、保證新鮮的原則。