大渣哥茶記灣仔店結業！將營業至11月中 港島網民極為震驚 渣哥發表千字文：似夕陽在散餘暉 將消失在可見未來｜飲食熱話
廣告
大渣哥茶記灣仔店結業！九龍灣店長期大排長龍，去年10月更殺入灣仔，不過事隔一年，大渣哥今日（3/11）在其官方Facebook宣佈，灣仔分店將於11月9日結業，渣哥有感而發，在Facebook發表千字文抒發感受。不少網民得知灣仔結業的消息後，都大為震驚，大嘆港島又少一間高質茶餐廳選擇，即睇詳情！
撰文：新假期編輯部｜資料來源：渣哥 一九九六
大渣哥茶記灣仔分店11月中結業！渣哥發長文宣佈
以咖喱魚蛋起家的渣哥，數年前殺入茶餐廳界，於九龍灣開其首間大渣哥茶記，深受食客歡迎，門外經常現人龍，其後再於灣仔開第二分店，不過事隔一年，渣哥就在其官方Facebook宣佈，灣仔分店將會營業至本年11月9日，之後就會告別港島區！
此外，渣哥更發表千字文抒發感受同解釋結業原因，文中更加入不少梅艷芳經典歌詞，叫人看畢一片感觸，文章節錄如下：
「當你見到呢個告別通告嘅時候，我哋已經同業主達成提早退租協議並已收妥頂手費，簽妥合約讓畀下家。 我哋並非告急，做生意唔係賺就係蝕，況且港島店每個月都大概和和果果，講到要蝕都只係裝修費，大家真係不用擔心」
「喺結業前亦唔需要專登嚟，亦因此所以我哋刻意拖遲到呢一刻先通知大家，抱歉🙏 大把小店叫苦連天，有啲甚至乎錢都從來未賺過，佢哋先至真正需要幫忙，係要幫都請幫咗佢哋先🙏 」
渣哥亦感恩粉絲們對九龍灣店不離不棄：
「至於九龍區嘅大渣哥茶記九龍灣本店，由2020年2月1日開業至今，一直有幸得到大家嘅厚愛及實際行動支持。」
「亦因為大家都係同舟人，店內永遠充滿融洽氣氛，時常笑聲不絕，所以每次當我落到九龍灣店都會非常之享受，心情亦會特別輕鬆舒暢。」
最後，渣哥亦有感而發，以梅姐傳奇的一生，向香港從前的黃金時代致敬，鼓勵香港人。
5小時內超過300網民留言
渣哥帖文於今日中午一出，即引來大批網民留言，不少街坊亦提議渣哥在其他地方開茶餐廳，一定支持：
再戰九龍灣店必食黑牛麵+焗豬扒飯
大渣哥灣仔店結業，但不用擔心，九龍灣分店會繼續營業。大渣哥茶記由前港姐譚小環兩夫婦開設，英文名叫Cafe de JarGor，自開業後每天都大排長龍，店內主打茶記食品，如常餐、炒飯、焗飯、小炒、鐵板餐等，選擇多而價錢合理，是不少打工仔的聚腳地。
沙嗲湯底夠濃，鮮牛肉夠嫩滑。（圖片來源：新假期編輯部）
豬扒大大塊，啖啖肉，香口佐米粉一流。（圖片來源：新假期編輯部）
一開盒有強烈菠蘿香味，帶果香甜味，豬扒口感腍滑，厚切有肉感。（圖片來源：新假期編輯部）
