大快活外賣煲仔飯著火！官方道歉親解起火原因＋賠償1樣嘢被鬧爆：好肉酸
廣告
大快活外賣煲仔飯發生起火事件！有網民於Facebook上圖文並茂指出外賣煲仔飯忽然著火，於外賣途中忽然燒著，相當可怕。事後大快活立即找到事主作出道歉及賠償，並親解起火原因，卻被網民大鬧肉酸！
大快活外賣煲仔飯忽然著火！
食外賣竟然引來著火命運？有網民於Facebook發文指出，其公司職員於海之戀的大快活購買原煲煲仔飯，誰知在外賣途中，用紙盒包裝著的煲仔飯忽然著火，幸好最後在旁人幫忙下成功撲熄火勢，無人受傷。後來網友圖文並茂於Facebook發文，而在圖片中看到紙盒已被燒掉一半，幾乎有一半都紙皮都被燒成黑色，一地都是灰燼。帖文短短數日已引來網民熱烈討論，紛紛大叫太誇張！
大快活道歉賠償$500餐飲券＋親解起火原因 網民大鬧：肉酸咗啲！
而該網民其後亦指出大快活找到事主並向她道歉，提出賠償$500餐飲券的方案。而大快活亦回應，今次起火原因是由於煲底過熱，加上天氣異常乾燥而令紙盒起火燃燒，對今次事件感到十分抱歉。雖然有作出賠償，而亦有網民指出僅賠$500餐飲券，且限制事主要兩個月內用掉，實在「肉酸咗啲」！。
網民精警留言：「畀人鬧凍得滯，所以同你燒返熱！」
面對今次煲仔飯起火事件，不少網民留下精警留言。除了有網民猜中由於煲太熱，加上天氣乾燥才導致今次事件發生。亦有網民表示「因為係咁畀人鬧凍得滯，所以同你燒返熱囉！」、「起碼證明個煲仔飯係熱」、「佢（大快活）會唔會答返你，係咪好新鮮熱辣呢」。
圖片來源：新假期編輯部、Facebook@Angel Ka Yan Chan
