大家樂下午茶餐無食過就走？！網民創意爆發競猜背後原因

Apr 3 2024

有網民睇唔過眼大嘥鬼，在「真．屯門友」Facebook群組發帖，上載一張在大家樂拍攝的照片，只見桌上有2客美味的下午茶餐，但卻無人品嚐，樓主發文：「野食無食過，野飲無飲過，跟住走左」網民大呼浪費食物及金錢，並競猜唔食就走的原因，但出奇地有不少「眼利」的網民在照片中看到「其他嘢」，究竟在座上空無一人的照片上看到什麼呢？

下午茶餐唔食就走好浪費！

香港經濟環境轉差，人工無變，百物騰貴，大家自然慳得就慳，遇上大嘥鬼當然會勞氣。有網民睇唔過眼，在「真．屯門友」Facebook群組發帖，敍述有食客在大家樂柯打下午茶餐後，完全沒吃沒喝就匆匆離開，美味的下午茶餐就此無人問津。網民紛紛留言，有部份留言都很正路，覺得唔食就走非常大嘥：「浪費金錢食物」，亦分享自己看到大嘥鬼的經歷：「我見過人叫多飯，最後佢D飯只係食咗幾啖⋯取餐佢排喺我前面，座喺我隔離枱食，所以肯定佢係叫人多飯」、「我做過餐廳有啲客叫個飯，淨係食左啲餸，飯一啖都無食，幫佢執枱真係嬲」有人覺得若然胃口不大，可以叫少飯，就不用剩飯了：「咁暰（嘥），叫少飯走飯都好」但亦有胃口小的朋友叫冤：「我試過嗌少飯／半飯，都係咁多飯甚至一樣⋯⋯」

大家樂「野食無食過，野飲無飲過，跟住走左」（圖片來源：「真.屯門友」群組截圖） — 「野食無食過，野飲無飲過，跟住走左」（圖片來源：「真.屯門友」群組截圖）

大家樂食都唔食就走，網民覺得大嘥。（圖片來源：Facebook＠大嘥鬼 Big Waster） — 食都唔食就走，網民覺得大嘥。（圖片來源：Facebook＠大嘥鬼 Big Waster）

大家樂柯打多飯，但只食幾啖？（圖片來源：「真.屯門友」群組截圖） — 柯打多飯，但只食幾啖？（圖片來源：「真.屯門友」群組截圖）

網民發揮創意競猜「不吃而別」背後原因

網民竟紛紛競猜「不吃而別」的原因，而且創意十足，大家覺得一定是有急事才會這樣：「急屎！」、「屋企水浸，喇喇聲返去閂水喉。」、「抄牌、走鬼」。當中亦有人認真地思考原因：「可能突然發生重要急事要立即走…斷估都唔係興趣」有人更有同樣經歷：「可能急事。我都試過一次，一坐低醫院就打嚟….一啖都冇食」亦有可能是基於一些窩心的原因，覺得食客是刻意不吃，留給有需要的人：「點解冇人諗係for冇錢開飯又成日食人淨餸既人？可以好好食一餐都好啦！況且姐姐都唔會咁快就收啦」。

大家樂其實都真係有機會係咁......（圖片來源：「真.屯門友」群組截圖） — 其實都真係有機會係咁……（圖片來源：「真.屯門友」群組截圖）

網民睇到「其他嘢」？

想不到更多留言是「睇到嘢」，在座上無人的照片上看不有「人」，一如電影《鬼眼》（The Sixth Sense）中的名言“I See Dead People.”留言紛紛錯重點，令人哭笑不得、笑爆嘴，還要像接龍比賽般，愈作愈多，好不熱鬧：「食緊。起勢咁奶緊條粟米」、「唔係奶叉燒嘅咩」、「買比一d你睇佢唔到嘅東西享用架」、「祭品」，有人說見到公公婆婆，又有人說見到少女：「你做乜影住公公婆婆食嘢」、「你睇唔到佢地已經食緊？」、「我見佢哋望住鏡頭，個樣躁躁地」。有人覺得是因為農歷七月：「七月，冇計」當然立即有人反駁回應：「仲七月?? 你睇下日曆先講」有人突破盲點，指出可能他們玩得樂不思蜀：「可能有d玩到關門返唔切去」。