大埔酒吧食材直接放地下融到出晒水！酒吧老闆親回應獲網民激讚
食材直接放酒吧門口地下 大熱天時融到出晒水
大熱天時，食材如不好好處理很容易會滋生細菌。日前就有網民在Facebook群組「大埔 TAI PO」出post，指某日經過一家酒吧，見到地上有燒賣及魚片頭等食材，「今朝放在門口，放到下午都未拎入去」，也沒有發泡膠盒特物品作盛載，在大熱天時冷凍食材溶化，因此見到「融到出晒水」，奉勸街坊們「晚上只喝酒，不要叫小食」。
網民見怪不怪：一向都係眼不見為淨
一眾網民見此狀都表示見怪不怪，直言很多餐廳都是這樣安排送貨及處理食材：「其實不嬲都係就咁掉喺門口㗎喇」、「有時啲送貨真係好離譜…我見過朝早七點幾就送食用冰…但間舖開十點」、「我以前係凍倉揸鏟車，見唔少」、「講真，都唔係得佢一間係咁，我屋企留下嗰幾間都係一早有人送貨但又未開舖，啲貨(食物)又係咁放係門口」，有網民就指「一向也是眼不見為乾淨㗎啦！」，即有網民表示既然該店是酒吧，笑言「反正肚痾就賴啲啤酒，嘔就當飲到劏，無事嘅」、「酒精可以消毒」。
酒吧老闆親回應處理方法：暫停所有小食供應
事件引起街坊討論，不久後竟引來自稱是酒吧老闆的網民留言，內容如下：
本人就係HERE老闆，我剛剛收到朋友sand比我嘅相，我已經即時向供應投訴為何送貨冇通知本人，就咁把貨品放在門口，亦即時取消此供應商的訂單，本星期酒吧亦暫停所有小食供應，不便之處，敬請見諒。
老闆更貼出與供應商的WhatsApp對話，內容正是指責對方為何不事先通知，並要求對方把貨物收走，並取消訂單，供應商也回覆指會找人清走，並為造成是次事件作出道歉。
正面回應獲市民激讚：醒目，即時拆彈
老闆的回應一出，即有網民質疑「食材送貨前會預先通知？笑話！」，指老闆只是想把責任推向他人：「一向都咁收貨嫁啦，扮哂嘢唔關店鋪事」，老闆也有回應該質疑，指「人哋點收貨人哋嘅事，我就一定要親手接貨」，又指出自己雖然是做酒吧，但多年來都是會自己早點回去收貨的，因此不能接受今次事件。老闆的回覆得到不少網民的稱讚，指他「處理得好」、「醒目，即時拆彈」、「老闆好嘢，下次路過支持」。
