港男外賣訂單被店家直接放門口　網民留言：呢個時間叫唔怪得人！

餐廳收工前5分鐘叫外賣　驚見外賣被放門口

事主在 Threads 上分享自己的經歷，指用 Keeta 在深夜訂外賣自取的經歷，APP 上寫明店家在20:45分鐘關門，他以為是20:45截單，便在 20:40 分下車，「無理由間舖收20:45，但外賣app唔提早截單嫁嘛！」結果他在20:52左右到達時，店家已經關門，只留下外賣在門口，「佢真係成間鋪已經落哂閘熄哂燈然後就咁擺我個外賣係門口」。他並不怪責店家將外賣放在門口，並認為可能是自己誤會了店家的關門時間，他也提到，下次不會再在人家收工後才訂外賣，並請網友不要對他進行負面評論。

網民留言：一睇就知重怨氣！

網民對此事也有不同的看法和建議，有不少網民認為店家收到訂單時，應該有點生氣，「我諗啲人都幾重怨氣去做呢單，因為正路係會打比你同你講擺係度」、「大佬，人地收11：00，我10：30都唔係好敢嗌，驚阻人收工…」，亦有網民指店家已算好人「仲同你擺得咁好都真係仁至義盡」，認為事主是「西客」、「仲要影埋間舖，咁都話自己唔係X客？」

網友教路：收工前30分鐘切勿叫外賣！

有不少網民都留言指出，在餐廳收工前30分鐘千萬不要叫外賣！

• 「做樓面，真心唔建議收舖前嗌，嗰陣啲嘢一定係最唔新鮮最汙糟，廚房同樓面都收緊尾嘅情況下處理你嘢食，講緊嘅係通渠洗地通一半煮」
• 「飲食業黑暗嘢太多唔講咁白 最好唔好臨收鋪前落單係真 唔關阻人收工事而係你食嘅未必係『新鮮』」
• 「收梗舖接你呢張單，分分鐘加料」