外賣「椰菜五花肉飯」入面竟然無肉　港女質問店員一句回應再被激怒

顧客與店家對話揭示問題

事主Facebook群組「食在元朗」分享外賣中伏事件，她指自己在某私房菜餐廳訂外賣，HK$66 的「椰菜五花肉飯」，回家打開飯盒後，驚訝地發現所謂的「五花肉」不翼而飛。顧客隨即致電餐廳詢問店家，店員回應稱：「呢個椰菜五花肉飯無肉係正常，有咩問題⋯」食客追問『咁餐牌寫「椰菜五花肉飯」？』，得到的解釋是「五花肉係調味，見唔到正常。」這番話讓顧客感到無奈，並建議餐廳應該修改菜單的描述，叫椰菜五花肉飯（不含肉），避免誤導消費者。

網民紛紛留言抨擊：打畀消委會啦！

事件引起廣泛討論，不少網民紛紛留言表達不滿，有人指出這家餐廳連同其他分店的服務質量普遍不佳。「上次食佢酸菜魚有頭髮，同佢反應，啲姐姐竟然同我講，哦可能係酸菜嗰度撈一齊，就係咁一句，仲以為佢會講換一份，之後我都再冇幫襯過佢任何一間分店」。網民更認為應該到消委會投訴：

• 「違反商品說明條例， 冇肉夠膽收咁貴」
• 「錄佢音，舉報佢」
• 「違反商品說明條例，告得，入晒個隻，係咪唔識香港法例」
• 「報海關啦，擺明呃人」

網民建議更名以免誤導：五花肉汁炒椰菜

有不少網民更恥笑店家應該要針對菜式改名，由「椰菜五花肉飯」改為「五花肉汁炒椰菜」，以更準確地反映菜品的實際內容。更有網民推出 HK$66 只有菜實在是太離譜了，直指「幾時轉咗做素食？定拎咗米芝蓮？ $66 賣個菜飯比人都夠膽死肉都冇話係調味？真係調你老味」，表達不滿和諷刺。