港媽外賣薄餅半生熟求退款不果

常言有圖有真相，不過此話可能要被推翻，因為有圖都不獲退款，客服要求見到實物才會原銀奉還！有網民在Facebook「中伏飲食報料區」討論區發出貼文，指「今日阿女生日，諗住叫pizza 慶祝，見到電視廣告，決定叫pizza box ，點知送到嚟，兩個餅底都係生嘅，屋企人食到肚痛，打去客服反映，話要原個pizza退返去，個pizza咬到唔熟，都掉咗啦，點樣原個退呀，大家千祈唔好叫呢間」。

一家人原本興高彩烈地開生日會，卻被半生熟的外賣薄餅搞到興緻全無！事主其後向店方投訴，卻反被要求退回原個薄餅才能獲得退款，事主有感明明錯在店方，但客服要求原個退回是強人所難的行為，故在帖文中呼籲網民不要幫襯！

事主因做漏一事圍爐不成 反遭網民鬧爆

帖文一出，不少網民即表示「Pizza box 一向都是咁」、「呢間一早blacklist左，啲料唔得，料同批成日分離，又唔好食」、「個餅底成日都唔熟，試過兩 次」，有中過伏的網友則明言「幫襯過一次，中過招啦！而且漏咗嘢，所以以後都唔會再跌錢」，似乎店家的表現一向麻麻。

意料之外是不少網民鬧爆事主無留起原個薄餅作為證據，、「你覺得生都繼續食咁神奇」、「食到肚痛你去報食環都要條屍啦」、「生仲食？比我就唔食，點都留返個屍骸叫佢公司食比我睇，咁既野都出得比客」，面對負評此起彼落，最後事主也有解釋「佢話要原個，我哋係有留起無郁過嘅」，大家緊記以後投訴要留「全屍」！

資料來源：FACEBOOK@中伏飲食報料區截圖