外賣米線連環偷食？港女叫外賣打開得1條牛柏葉網民熱議3大原因｜飲食熱話

Oct 25 2022

港女叫外賣米線成碗得一條牛柏葉！叫外賣不時會有送漏或送錯的情況發生，不過近日有港女在關注組發帖，指自己在連鎖米線店柯打外賣，但回到家吃的時候，卻發現柯打的牛柏葉，搵匀成碗只得一條，嬲爆事主跟店聯絡後，店家叫他「下次拎返」。帖文一出，即引起大量網民留言，直指即使在不同店家外賣米線的份量都似被偷吃了，大家都在懷疑是被老鼠偷吃了，還是另有內情？

港女米線店叫外賣牛柏葉得1條向餐廳投訴

店員：咁你下次拎返

網民於「好食米線關注組」討論區附圖發帖，以「我有個快問題，搵匀成碗都係得一條柏葉，但我俾咗一個餸錢，咁可以點做？我打咗去舖頭，佢話『咁你下次拎返』，咁我憑咩去拎返？」，圖片中確實只見一條牛柏葉孤怜怜地放在麵的正中央，有圖有真相，網民建議事主以照片作證去據理力爭，不過事主表示下次不會幫襯。

外賣米線事主搵匀成碗只得一條牛柏葉，嬲爆的她向店家反映，卻獲得不盡滿意的回應。 — 事主搵匀成碗只得一條牛柏葉，嬲爆的她向店家反映，卻獲得不盡滿意的回應。（圖片來源：Faccebook@「好食米線關注組」討論區截圖）

網民圍爐漏餸遭遇非單一事件

帖文下有很多同命相連的網民圍爐，「我上次檸茶無檸檬，奶茶多咗檸檬，打去話聲佢哋知留意下，接線嘅姐姐好有禮貌咁要我留電話號碼，下次免費比番我，結果下次我提下話上次咁咁咁，嗰位姐姐當聽唔到……其實我無諗過要比番我，只想提佢唔好再錯……即係佢地講乜到最後都係唔會賠㗎！算把啦……只可以唔再幫襯囉！」事主遭遇似乎並非單一事件。

餸的份量少、甚至有網民指外賣有如被偷食了一啖，牽涉其中的除了這家知名的連鎖米線店外，還有牽涉之前甩底外賣碗的粉麵店、酸菜魚專門店等。如早有網民於另一間連鎖米線店叫外賣，打開碗發現牛丸有被咬過的痕跡，隨後去店方投訴，店方願意退款。

外賣米線事主附圖並向連鎖店投訴，店家願意退款了事。 — 事主附圖並向連鎖店投訴，店家願意退款了事。（圖片來源：Faccebook@「香港米線關注組」）

外賣米線有網民表示在外賣平台上柯打某連鎖粉麵店的外賣時，碗內的牛丸被人咬了一口。 — 有網民表示在外賣平台上柯打某連鎖粉麵店的外賣時，碗內的牛丸被人咬了一口。（圖片來源：Faccebook@「香港米線關注組」）

少一啖，係老鼠偷食定勞資糾紛？

對於外賣米線店連環「偷食」事件，主要歸納3大原因：
第一，有網民認為是老鼠偷食：「係人咬嘅都還好，如果係米奇咬嘅話……」。
第二，有網民懷疑跟早前外賣平台出現勞資糾紛有關。「其實啲商家應該用啲膠紙封實個膠袋口，外賣員拆咗就封唔番，最多喺屋企慢慢扯爛個膠袋，起碼心理上安全啲，我試過酸菜魚俾人食咗一半」。
第三，有網民回應外賣員偷吃一事，直指可能是廚師落料輕手，偷公減料，而非被人偷食。大家又點睇？