壽司郎西客大鬧過籌號要再等9張飛 職員回覆令佢一秒動怒：以後唔想再食

壽司郎事主怒轟壽司郎過籌要再等9張飛

有匿名網民於Facebook群組「香港壽司郎關注組」撰文，指當日到壽司郎輪籌時，因不想在店舖門外與人擠擁，所以走到旁邊的咖啡店邊坐邊等。

在沒有相關Apps可以實時檢查輪飛號碼的情況下，事主再次回到壽司郎時已經過籌3張。職員見況便替事主補飛，並表示由於已經過籌，故需再輪候9張飛方可入座，而輪候時間未能確保要再等多久。

事主聽到「職員比較機械式的回覆」立刻動怒，認為壽司郎客戶服務甚差，店內也不夠位置讓人等候，以後都不想再光顧壽司郎。

網上圍爐失敗 網民反插: 怪得邊個?

事主事後撰文大鬧反映此不悅經歷，卻遭網民反插「西客，好行唔送」。網民表示，攞籌輪飛一向如此，「自己唔睇過咗號唔洗你重新攞飛已經好好，俾你等候補仲咁多意見，自己miss咗就怪人安排喎！」、「你自己去左飲啡，自己番唔切去，後補係人地問題？」、「總之你係過左龍不嬲都要等補飛。前面有8個同你一樣過左龍，咪要等9張囉。」

更有網民替職員說好說話「話比你聽要等9張飛但唔確保時間幾耐，呢個答案合情合理喎，限時一個鐘，有人可能半個鐘就走，有人食足一個鐘，甚至有人過晒鐘都唔走，佢答到你要等幾耐先奇」。