壽司郎公開徵舖！逆市3年開17間分店網民力Sell邊區最多人撐｜飲食熱話

Sep 13 2022

壽司郎公開徵舖？！這幾年因為疫情，飲食業大受重創，唔執笠都已經偷笑，但日本過江龍壽司郎愈戰越勇，3年來擴展至17間分店，遍佈港九新界，成逆市奇葩！現在更在其Facebook中公開徵舖，實行廣納網民的意見，網民立即搖身一變成為地產經紀力Sell，為自己區狠狠拉票、死命拉票！究竟邊幾區呼聲最高？有無你個區呀？

壽司郎公開徵舖！各區網民出力拉票！

壽命郎又有新搞作！近來除了為港人帶來首間全球海外壽司郎居酒屋分店「杉玉SUGIDAMA」外，更在銅鑼灣插旗，開設第17間分店！近日更索性在其Facebook中公開徵舖，首先多謝各位粉絲的支持：「壽司郎喺上個月已經踏入咗香港3週年啦，呢幾年嚟真係好感謝大家嘅支持同埋厚愛」，繼而公開第17間分店即將開幕：「截至今年2022年9月，加上即將開幕嘅【銅鑼灣廣場2期店】，壽司郎已經開到第17間分店啦」。

最後戲肉嚟啦！壽命郎開宗明義公開徵舖：「今後我哋仲想開設更多分店，為各個地區帶嚟美味嘅壽司～所以如果大家有發現基本符合以下條件嘅舖位，歡迎同我哋聯繫」帖中更毫不含糊、單刀直入，開門見山列明舖位要求：「面積：實用面積4,500sq. ft.起，來水：獨立水錶，去水：地台去水，電力：300amp TPN ，其他：需要煤氣、樓底高度2.5m起、舖位形狀為四方形及沒有柱身較佳」。

壽司郎壽命郎Facebook中公開徵舖。 — 壽司郎Facebook中公開徵舖。（圖片來源：Facebook@SUSHIROHONGKONG截圖）

壽司郎歡迎網民大力推介報料。 — 歡迎網民大力推介報料。（圖片來源：Facebook@SUSHIROHONGKONG截圖）

今年壽司郎為港人帶來首間全球海外壽司郎居酒屋分店「杉玉SUGIDAMA」。（圖片來源：Facebook@sugidamahongkong截圖）

壽司郎銅鑼灣廣場2期分店即將開幕！ — 銅鑼灣廣場2期分店即將開幕！（圖片來源：Facebook@SUSHIROHONGKONG截圖）

壽司郎分店開足17間，依然要排隊！人氣鼎盛！ — 分店開足17間，依然要排隊！人氣鼎盛！（圖片來源：壽司郎）

上水、粉嶺、東涌呼聲最高

帖子旋即引來網民熱議，得到百多個連結分享，千多個留言，網民紛紛變成為地產經紀力Sell，更大讚壽司郎此舉好波，實在是高手：「外判搵舖頭嘅責任比網民，高手」、「搵舖都搵義工幫你搵，壽司郎真係天才」。

就筆者粗略估計，以Likes計的話，以推介沙田、九龍灣及上水的3則留言獲Likes最多，網民講明沙田區不開分店就會嬲嬲豬：「沙田唔開番間真係唔好再同我講嘢，堅嬲」、「九龍灣淘大，三期donki 下面有3個舖位 2間接咗，一間就接」。

但縱觀千多個留言，以上水、粉嶺及東涌的留言最多，似乎這3區呼聲最高，網民落足嘴頭力Sell：「東涌市場潛力極大，除左居民又多機場員工同地盤工程人員，果間難食元x都可以成日排長龍就知」、「上水唔該，上水好多人鍾意食壽司，你睇爭鮮都可以開幾間。」其他熱門推介地區還有香港仔、荃灣、美孚等：「荃灣海濱廣場，包晒8層嚟做」。