哥登堡餐廳宣布月底結業食客排長龍網民嘲：人地話唔做先去排隊

Mar 19 2024

哥登堡餐廳在早前宣布結業後，前來最後感受老派港式扒房情懷的顧客人潮不斷，排隊人龍排至街尾轉角口，十分誇張！有前去朝聖的網民就發文指餐廳的出品太「Hea」，更有不少網民指餐廳平日就拍烏蠅沒有客，但一宣布結業香港人就「仆住去幫襯」？

哥登堡餐廳人潮未止

哥登堡餐廳繼去年推出「最後一次聖誕大餐」後，近日再推出「告別大餐」，正式宣布最後營業日為3月31日，旋即引起一眾食客排隊光顧，從網民上載到Facebook群組「香港茶餐廳及美食關注組」的相片及影片中，可見自宣告結業，排隊的人潮就已經不斷，更幾乎橫跨一條街至街尾轉角位，有食客發文指，「把握時間，懷舊回憶，味道依然」。

網民嘲結業排隊風潮

哥登堡餐廳的結業人潮十分誇張，不過有網民指出明明餐廳平日就拍烏蠅沒有客人才導致結業，但每次只要傳出結業消息，一眾香港人就會「仆住去幫襯」，「香港人好奇怪，要人地話唔做先去排隊」、「平日又唔去，等人執先去人迫人」、「唔執冇生意，一執排長龍」、「d人真係好X奇怪，未話執嗰陣又唔見你哋去食，人哋話執先嚟扮晒唔捨得個個跨區仆去食」。

食客發文鬧餐廳：Hea成咁！

有把握最後機會到哥登堡餐廳用餐的食客在網上發文指去食個扒餐懷舊下，卻見到餐包的牛油太隨便，「真係。。最後倒數。。唔係hea成咁呀，大家樂仲好過佢」，有不少網民回應指餐廳出品一向都差，「呢班人、為咗乜嘢去食D垃圾食物？，又唔係執拉大特價！傻仔」、「真係hea到呢，真係無誠意到極點」、「你估咁多年都保持咁低水準容易架？」查看帖文的回應，原來一直都有網民批餐廳出品差，「呢間又貴又唔好食，都唔明啲人做咩係咁幫襯」、「咁難食都仲有咁多人排隊？d 人係咪傻㗎？」、「要執唔係無原因的」。