咖啡店最低消費每人一杯飲品唔合理？店家擺上網網民直指小家｜飲食熱話

May 28 2022

咖啡店最低消費每人一杯飲品唔合理？近日有家位於荃灣的咖啡店在FB上以情景題出文，店內餐牌有寫明堂食設最低消費每人一杯飲品，但當日有兩名客人坐低只叫一杯飲品，並向店員稱已購買一包咖啡豆當作取代一杯飲品消費。店員擺上FB尋求意見：「我哋嘅概念係咖啡豆只係零售產品，不能當成堂食嘅消費，我哋咁諗合理嗎？一杯飲品嘅最低消費算過分嗎？」此舉即被網民口誅筆戈，直斥店家將事件擺上網「小家、無人情味」，今次真係學網民話齋：「贏咗道理，輸咗生意」！

咖啡店最低消費每人一杯飲品店家：咖啡豆不能當成堂食消費

位於荃灣的咖啡店以「情景題」為題在FB出帖，「情景題：我哋堂食有每位最低消費一杯飲品！客人兩位坐低叫咗一杯飲品，同買咗包咖啡豆。所以我哋就再問客人，想要多杯咩飲品。但係客人就話：我咪買咗包豆囉！但係我哋嘅概念係，咖啡豆只係零售產品，不能當成堂食嘅消費。問：我哋咁諗合理嗎？再問：一杯飲品嘅最低消費算過分嗎？」此帖一出旋即在FB「咖啡迷 We Love Coffee社團」引起意見兩極的網民留下火藥味甚濃的評論，不少人更聲稱永不幫襯，一個帖即惹來公關災難。

咖啡店在FB出帖指有客人以購買咖啡豆取代堂食每人一杯飲品的最低消費，立即引來上網公審客人的質疑外，也連帶牽起帶關最低消費的討論。 — 咖啡店在FB出帖指有客人以購買咖啡豆取代堂食每人一杯飲品的最低消費，立即引來上網公審客人的質疑外，也連帶牽起最低消費的討論。（圖片來源：pakutaso）

寫明最低消費也可酌情處理網民：贏咗道理，輸咗生意

不少意見認同客人入得去幫襯，餐牌上最低消費寫到明是飲品，而不是任何消費，不同意的話可以在坐低柯打前離開，「開門做生意，寫明低消一杯，就係入門口嘅要求，無人迫你入黎，但你入得黎就要守規矩」、「台灣日本好多鋪頭都係咁，我自己覺得完全冇問題」，不過也有意見指店主處理手法可更具彈性，「個規矩原意都係唔想人齋坐啫…買豆/食物我覺得佢都算有消費，唔駛限到咁死」，更有不少網民體諒小店，認為設最低消費「合理、不過份」，「生意難做，會體諒小店提供有冷氣及舒適環境，最低消費只係一人一杯飲品。如果買包咖啡豆可以當幫襯，何不理直氣壯地一杯飲品都唔點，2個人直接坐2粒鐘。」

咖啡店在香港經營小店困難，每一單生意都是續命錢，錙銖必計也無可厚非。 — 在香港經營小店困難，每一單生意都是續命錢，錙銖必計也無可厚非。(圖片來源： FB@咖啡迷 We Love Coffee社團截圖)

有網民指日本、台灣的咖啡店都有設低消。（圖片來源： FB@咖啡迷 We Love Coffee社團截圖）

咖啡店有網民指容許了第一次括免最低消費，其他人或會效法。 — 有網民指容許了第一次括免最低消費，其他人或會效法。(圖片來源： FB@咖啡迷 We Love Coffee社團截圖)

店家將事件攞上網網民：做法小家、無人情味

當然在餐牌上已明文寫低有最低消費，明賣明買，道理在店家，確實可執正來做，可不少網民反而是針對店家擺上網公審而作出批評，「贏咗道理，輸咗生意，呢啲事店家係堅持嘅同個客講返就ok，擺上網就真係小家」、「人地如果鐘意啲豆，可以係potential 長期客戶，咁樣俾你擺上網，以後仲幫襯你？」、「老闆道理上啱，但拎出黎講就已經輸晒，打開門做生意就唔好俾人睇到你咁小器，如果有自信自己鋪頭出品係好，就睇開啲，個客唔嗌係佢走寶，況且又唔係完全齋坐唔俾錢就算啦。俾著我見到呢啲小器post就一定唔會幫趁」。

咖啡店網民針對店家擺上網公審而作出批評。 — 網民針對店家擺上網公審而作出批評。(圖片來源： FB@咖啡迷 We Love Coffee社團截圖)

咖啡店有網民意見認為幫襯買豆又不多佔一張枱理應可接受。 — 有網民意見認為幫襯買豆又不多佔一張枱理應可接受。(圖片來源： FB@咖啡迷 We Love Coffee社團截圖)

咖啡店有網民指店家可彈性處理。 — 有網民指店家可彈性處理。(圖片來源： FB@咖啡迷 We Love Coffee社團截圖)

咖啡店有網民指打開門明碼實價並無不妥，帖文上所有留言者也同樣是在公審店家。 — 有網民指打開門明碼實價並無不妥，帖文上所有留言者也同樣是在公審店家。(圖片來源： FB@咖啡迷 We Love Coffee社團截圖)

刪帖再補鑊店主：為令到任何人不快而道歉

及後店主刪帖再貼文跪低補鑊，「之前Del post 係因為見到持唔同意見嘅對答好似有啲火藥味，所以先決定Del 咗佢，免得大家傷和氣。」經一事長一智，店主有為此舉而令到任何人不快而道歉，「一開始叫做一個情景題咁出post，字裡行間並無刻意去將件事或人放大或用不雅語句去作出任何攻擊，故此並無任何公審任何人嘅想法，但真係估唔到好多人都有呢個諗法」、「希望睇下係咪個規矩本身有缺陷、有需要修正嘅地方，所以先有呢個post 嘅出現，集思廣益討論吓，只係係估唔到原來個post 俾人嘅感覺咁差」，既然店家都肯知錯能改，大家又會唔會有啲人情味畀個機會佢？