南記外賣碗變陣防甩底！樓主嫌唔環保 反被網民鬧爆｜飲食熱話

南記外賣碗1個變4個 樓主嫌唔夠環保

「香港米線關注組」近日有網民上載一張南記外賣的相片，只見1碗外賣米線用上了2個外賣碗，並發文：「自從有人投訴佢，個湯用兩個兜，跟住碗米線又兩個兜一個外賣四個兜！我叫外賣都唔安樂」大概是因為覺得不夠環保。

但想不到事件不單沒有引起其他網民同情，大家反批樓主難服待，甩底漏湯嘈，改進Double Up用2個外賣碗又嘈不環保，並建議樓主想環保的話，應該自備食物盒，並狠批樓主「叫外賣都唔安樂」實在太玻璃心。有網民留言表示，「香港人真係好似兩父子騎驢寓言故事， 驚浪費咪自己拎容器畀佢裝囉，食餐外賣都驚唔安樂你都幾玻璃心。」並有人揶揄樓主：「外賣要用車送架，好唔環保，最好自己行落街買。記得唔好搭lift喎」。

Double Up是最折衷方法

不少網民覺得南記Double Up外賣碗是最折衷方法，推測外賣紙碗尚有存貨，若丟棄沿用的紙碗反而更不環保，而且總好過用上發泡膠，認為南記有聆聽訴求，作出改善是一則好事。

「可能仲有好多外賣紙兜係存貨，如果而家即刻換膠兜，抌晒而家啲紙兜，咁咪仲唔環保，而家聽到大家嘅訴求，作出改善咪幾好」、「平心而論碗野返到屋企穿咗咁點食，用兩個紙碗係最折衷方法」、「肯改都係好，可能用完倉嘅碗會有啲好啲嘅呢」、「總好過發泡膠」。

前情回顧，之前為咩投訴？

上月「香港米線關注組」有谷友分享了一則外賣意外，叫南記外賣時「一拿起碗底成個甩咗，倒我一身！」幸好湯水不算太熱，搽點燙火膏已經好了，但事主卻感到非常谷氣。帖文引來大批網友留言轉載，叫事主「保重」，並有不少人都有同樣經驗。記者向南記查詢，南記亦有正面回覆。

更多詳情：南記外賣紙碗「甩底」意外 食客被熱燙傷 官方回應唔夠誠意？