餐廳現大曱甴！Foodie要求半價埋單走人不果 餐廳比3樣物品作賠償惹爭議

Foodie進食期間見大曱甴想半價埋單、餐廳送汽水當賠償

事源6月5日Foodie與朋友一同前往經常幫襯的烤魚工房吃晚餐，二人去到旺角商業大廈分店坐下不久，只吃了兩口食物，Foodie就發現「地座位下面隔離出現一隻大曱甴」，令二人非常震驚，直斥「普通茶記都算，烤魚工房作為連鎖集團式嘅餐廳，出現咁大隻曱甴證明個衛生真係好差」，二人即時向餐廳反映，當時的侍應姐姐「即刻踩死咗隻曱甴」，而由於事出突然，二人未有拍下照片，但強調「絕對係事實，餐廳有Cctv影到成件事發經過」。不久有另一位店員現身，指「餐廳會送三罐汽水作為補償」，但Foodie及朋友不接受，並要求見經理。

二人欲離開、經理要求先付帳單

因為大曱甴的出現，令Foodie直言覺得「間餐廳衛生好有問題」，也令二人「完全食唔落，我哋係想退錢唔食即刻走人」，經理就向二人道歉，再次提出「以三罐汽水同調位作為補償」，但二人覺得「想用三罐汽水嚟了事，真係好敷衍好唔尊重」，於是堅決不接受，於是雙方僵持了一段時間。後來經理同意給二人一個8折，只要付了錢就能離開，但二人也不同意，更強調不是想吃霸王餐，只是剛坐下來就遇到這種事，一見到曱甴就已經再吃不下，「而家餐廳卻要我哋為呢啲有衛生問題嘅食物埋單，我哋覺得好唔合理」。

要求半價埋單走人不果、餐廳報警處理

Foodie因為不想再留在餐廳浪費時間，「於是我哋提出以半價埋單走人」，但經理表示不會讓步，堅持要二人以8折價錢埋單才可離開。於是雙方繼續僵持，餐廳無計可施下就決定報警。Foodie表示二人「嘢都未食，就餓住個肚喺度等警察嚟同埋接受警察調查」，最後擾攘了近一小時，二人最後都要以8折價錢埋單才能離開，Foodie更強調當時二人是「餓住個肚走」，非常委屈。

放相證明是常客、直斥餐廳處理方法有問題想用三罐汽水敷衍了事

Foodie續指，自己其實已經多次幫襯這家餐廳，直言「估唔到身為一個常客，間餐廳都可以咁對我哋，真係好失望痛心」，斥責明明是「餐廳嘅衛生出現問題，卻要顧客為有問題食物埋單」，更指自己吃了兩口回家就肚痾，以證餐廳衛生有問題。又斥責處理今次事件的經理「處理得非常差」，指「身為一個連鎖集團式大餐廳，出現大曱甴係好離譜嘅事」，更妄想用三罐汽水敷衍了事，最後更報警，對客人極不尊重，強調二人並非要求免費用餐，更指「如果餐廳一開始就即刻提出調位打折解決嘅方案，我地感受會好好多」，心灰表示「經過呢件事真係對間餐廳好心淡，放棄了，我估唔到一間我成日去食嘅餐廳會咁樣處理呢次事件，真係好失望」。

事件引網民熱議：大種乞衣vs污糟都唔鬧得？

事件即時受到網民關注，更被網民放上Facebook群組「香港茶餐廳及美食關注組」，該群組組員大都不認同Foodie的行為，指出「香港有邊間食肆無曱甴? 見到只係唔好彩」、「腳底有甲由⋯ 下次不如話隔離舖頭有」、「條友擺明小事化大刷流量，兼且乘機屈番一筆」、「香港天氣冇可能冇曱甴，曱甴喺嘢食入面就另一件事」、「好明顯搵著數啦，真乞兒」，直斥該Foodie的行為是「小題大做」，更攻擊指該IG只有6百人個follower，「得個幾百個followers就唔好出嚟獻世」。

不過也有網民站在Foodie一邊，有網民認為「佢岩岩食兩啖就發生件咁嘅事令到佢無哂胃口食，從而想5折埋單走人，我覺得都合理」、「唔係發生喺佢哋身上 憑咩X人小題大做」、「咁都有人幫口，香港咁多垃圾餐廳咪多得呢啲人做開狗，基本衛生情況都唔可以要求有」，更有網民DM該Foodie，指之前去幫襯餐廳另一分店時，也見過大老鼠，直言「係好食嘅，但衛生真係差」，也有網民指「三罐汽水係咩事？睇唔起人定覺得彌補到心靈創傷」，力撐Foodie！

Foodie再發文：低估咗香港人對餐廳曱甴老鼠嘅接受程度

事後該Foodie再發文，主要針對「香港茶餐廳及美食關注組」的人的留言，指明白香港餐廳普遍都有此問題，但「如果有甲由或老鼠可以爬到出黎，證明呢間連鎖式集團餐廳的確係衛生未如理想」，又指「主要原因都係因為呢間餐廳員工態度非常差，及處理問題手法有問題」，更反問「如果(曱甴)係爬上你個身度，你會點？」。之後又回應霸王餐問題，Foodie指「如果我個目的係想食霸王餐，我就唔會Po呢件事出黎，而係食完個霸王餐就走，唔通食霸王餐好馨香要周街同人講」，又強調二人「係因為餐廳嘅衛生問題而冇食到啲嘢，又何來霸王餐一說？」，最後更指「呢次事件，係我低估左大家對餐廳曱甴老鼠嘅接受能力。」大家又認為這次事件上，哪一方比較有問題？

資料來源：IG@jm9foodie、香港茶餐廳及美食關注組