麥當勞經理戴勞力士受網民關注：隻錶值$XX！批評戴貴價靚錶3大壞處

麥當勞經理戴勞力士炸薯條

網民在Facebook群組「好fashion呀你」分享該照片，圖中人物的衣著應為麥當勞經理級員工，只見他正在炸薯條，出post的樓主圈出重點，又放大了經理佩戴在左手手腕上的勞力士Daytona手錶，然後評論「宜家做M記都可以戴勞力士？」，暗指以M記人工應買不起勞力士，引起不少網民關注。

勞力士如屬真貨炒價約值20萬

勞力士是名貴手錶品牌的代名詞之一，也是身份的代表、事業有成的象徵，據相片判斷，該隻勞力士地通拿手錶的型號應為116500LN，官方正價為$115,500，但眾所周知勞力士幾乎不可能以正價入手，而麥當勞經理所戴的勞力士，視乎年份和使用狀況，手錶市場炒價可以去到約$20萬左右！

引網民熱議：畀心機終有一日你都買到㗎

樓主的貼文一出，即引起網民熱議。有網民反問樓主：「宜家做M記就唔可以戴勞力士？」，更有網民打趣說「返工為興趣唔俾呀？」、「人地為兒時夢想做m記咋」，更指出該經理與樓主的分別：「你打工就為開飯，人哋打工就為過日晨」；有網民就理性指「好多人都戴，月供都得」，「好多人都買得起，唔好匿喺井底」；也有網民指做M記不等於窮，「有個阿婆執紙皮都幾層樓喺手啦」，也有網民嘲樓主「食M 記笑人做M 記，打和～」，也有網民鼓勵樓主「畀心機終有一日你都買到㗎，仲唔咋咋臨見工？」；不過更多網民都指「其實關你咩事？」。大家又有什麼看法？

網民：戴貴價靚錶3大壞處

但也有網民指出，戴貴價靚錶可能有3大壞處，更有機會阻礙自己升職、加人工的前路，各有各論點！

1. 「話畀人聽你搵好多，但你title 同grade 大家都已經知你搵幾多，無意思亦無得呃」；
2. 「話畀人聽你工作以外搵好多錢 e.g. 可能屋企有錢，咁即係本身都有錢，番工可以懶懶閒無心做」；
3. 「你老細見到你咁有錢，都唔使點加你人工啦，不如留比d有需要嘅同事。」

資料來源：Facebook群組「好fashion呀你」