港媽自助落單凍檸茶忘記撳走甜卻反斥是餐廳責任！網民大鬧「自己錯就要認」

港媽怒轟餐廳凍檸茶無走甜！

以炸雞髀為招牌的和順記最近於網上發佈最近遇上的一則經歷。店主於帖文中表示，餐廳有人手落單，也有QR Code自助落單。而早前有一對婦女帶著約10多歲的小朋友來幫襯，自助下單柯打了凍檸茶。但當飲品呈上後，其中一位女士發現飲品沒有走甜，便向店員反映。

港媽28字反斥是餐廳責任

當時事主竟生氣地表示「吓？點會呀！我叫走甜喎，有甜嘅！」，而同事當場表示看到單子並沒有標明走甜，但是仍然可以為她更換一杯。但這舉動仍沒有平息事主的怒火，大鬧「點會呀？冇可能錯！唔好意思都唔講聲」。其後小朋友表示原來是自己出錯，誠實地道「唔好意思，係我撳單冇撳走甜！」。但是小朋友媽媽一聽到是兒子責任，則認為錯不在他身上，直指「就算係你撳錯，你都唔使講唔好意思，因為你錯，餐廳都要講唔好意思！」。

店主於文末形容，直至埋單一刻，小朋友表現還是相當尷尬。亦直指「見到呢位媽媽咁樣教育小朋友，真係大開眼界。不過作為負責人，我現在向呢位媽媽講「唔好意思，我哋唔係米芝連finedining，提供唔到五星級服務」。最後店主亦寄語該名小朋友，指出「我哋明白嘅，係咁嘅家庭成長係好大壓力。小朋友，希望你保持到獨立思考。加油！ 」。

網民大鬧港媽：西客界天花板

網民看到今次經歷後，紛紛留言直指責任出在港媽身上。有網民生氣大鬧「講真！家陣做餐廳要卑微到咁？」、「唔識教真係唔好生，希望後生仔繼續要有獨立思考，自己錯就要自己認」、「其實呢啲小朋友先最慘，有可能佢就真係第日變成乜都人地錯，要人道歉」、「生仔真係要考牌」、「個阿媽第日會享受番自己優質示範嘅結果」、「無家教3個字係畀父母嘅，完美演繹」、「西客界天花板」、「個師奶已經完美演繹講嗰個唔尷尬，聽嗰個尷尬！」。

也有人笑指是餐廳問題，笑言「依獲真係你哋唔岩，又無讀心機，又無員工識變條蟲鑽落佢個肚到」、「應該好似5星級酒店咁，預設走甜，另上糖水」、「係你唔啱，唔應該有「走甜」個欄俾人㩒」。

資料來源：和順記-荃灣雞脾王