凍檸茶無檸檬！茶餐廳檸檬汁變沖劑網民：無檸檬無茶使畀廿蚊｜飲食熱話

Jul 12 2022

凍檸茶無檸檬！有網民近日在討論區內開帖投訴，「好似越嚟越多餐廳檸茶檸水用沖劑，即係杯飲品無檸檬、無茶，想正常飲杯檸水檸茶坐低時要問清楚」，直斥茶餐廳的凍檸茶無檸檬又無茶，懷疑店家用檸檬沖劑製作，帖文一出即引起凍檸茶同好者的網民強烈的共鳴，大家都認為「香港人飲凍檸茶係要篤篤篤啲檸檬茶㗎喎！無檸檬，咁，點仲可以叫港式茶餐廳呀！」有報導指本地有餐廳為降低成本，特設中央工場將整個檸檬榨取成汁液來製作檸檬茶，大家又接唔接受到飲凍檸茶無得篤檸檬呢？

凍檸茶無檸檬失卻傳統港式茶餐廳特色

有人話香港人對凍檸茶中的檸檬好似有仇般死篤爛篤，愈篤得用力就代表香港人身份認證愈強，不過有網民近日在「將軍澳主場」討論區內開帖投訴「好似越嚟越多餐廳檸茶檸水用沖劑，即係杯飲品無檸檬、無茶」，帖文一出即引起網民熱議，直指有多個連鎖茶餐廳集團早已使用沖劑來取代傳統茶記檸茶，有人嫌棄沖劑檸茶超級難飲「啲味好似洗潔精咁，飲左一啖就想嘔」、「太少水就好杰一pat，太多水又稀又淡，最緊要係無茶味」、「完全無得控制，勁酸」，更甚者有網民懷疑「這類化學飲品不知添加了幾多種有害物質」，「茶記檸檬茶冇檸檬，我去買包維他飲唔好」，對於沖劑檸茶極盡嫌棄。

凍檸茶有網民近日在討論區內開帖指愈來愈多餐廳的檸茶無檸檬，改用沖劑來製作。 — 凍檸茶無檸檬！有網民近日在討論區內開帖指愈來愈多餐廳的檸茶無檸檬，改用沖劑來製作。（圖片來源：FB@將軍澳主場討論區）

凍檸茶檸茶無檸檬有失傳統港式風味。 — 檸茶無檸檬有失傳統港式風味。（圖片來源：FB@將軍澳主場討論區）

凍檸茶有人指餐廳侍應表示無檸檬是為了減省成本。 — 有人指餐廳侍應表示無檸檬是為了減省成本。（圖片來源：FB@將軍澳主場討論區）

檸檬榨汁變沖劑偷工減料省成本

百物騰貴下，檸檬茶中的檸檬賣少見少，由4片到3片、厚切變薄切，到現在更有餐廳為省成本，檸檬直接清零，改用沖劑！有網民在帖文中表示曾經因檸茶無檸檬而「叫住個侍應話水吧漏了檸檬比我」，然而侍應卻回應：「完全將檸檬榨到連核都無，係原汁原味，但我一啲都唔覺囉」，更有網民向使用沖劑的茶餐廳員工求真，「佢哋啲員工話咁整法慳好多，但我覺得唔知飲緊乜」、「檸檬酸、無營養」，有傳媒向香港餐飲聯業協會會長黃家和求證，他表示「一年前已聽聞本地有餐廳改以榨取檸檬汁，作為調製檸檬茶的原料」、「有中央工場將整個檸檬榨取成汁液，用以『降低成本』」，慳家成大勢，不過網民就完全唔接受，直斥「連檸檬都慳，都冇心去做，執咗佢把喇」，到最後港式風格的篤檸檬茶，會不會被淘汰而成為香港人的集體回憶？