網民大談公司同事電飯煲奇聞：冇啦啦攞包米出嚟！最誇張係整呢啲
廣告
打工仔一星期返起碼返5日工，待在公司的時間分分鐘多過待在家，令公司充滿生活感，方便自己，非常之咁正常！但帶米返公司煮是否有點誇張呢？曾經就有網民在討論區分享公司奇聞，突然看到旁邊同事淘出一包米，然後放電飯煲煮飯，坦言被同事的慳家舉動嚇親：「我重（從）來冇諗過會有同事喺office到煮飯」網民紛紛留言，想不到樓主所經歷的只是「碎料」！
公司電飯煲奇聞：冇諗過會有同事喺office到煮飯
職場新鮮事層出不窮，有網民在Dcard討論局分享同事的帶「飯」奇聞，見證公司同事由生米煮成熟飯的過程，令人目瞪口呆，標題為「姨姨同事帶個電飯煲翻嚟煲飯」，發文：「呢個星期翻新工，琴日見到隔離位個同事中午放飯之前，冇啦啦攞包米出嚟，倒啲落個電飯煲，再開制煮。我重（從）來冇諗過會有同事喺office到煮飯。」
帖文立即引來各大打工仔留言關注，似乎見怪不怪，市面上有迷你版電話煲，帶返公司都好尋常：「好似有mini 版嘅飯煲，蒸米嗰啲，不過都只係聽過未見過，好似話健康啲？」甚至有人懷疑文中事主是自己同事：「識人抽獎抽到嗰迷你飯煲，就開始起公司煲飯。唔通就係佢？？？」
再誇張都仲有！自製珍珠奶茶及Cocktail
原來對於一班姨姨級的同事來說，在公司煮飯絕對是尋常事，還要開心share，嚴如開大食會般：「佢地一班姨姨原本就好frd，煮好飯之後每人拎一個當日朝早煮嘅餸出黎，變到好似食大餐咁，又新鮮又省錢又豐富」。更有不少人分享在公司烹飪的經驗，「其實我有諗過煮飯，買咗電加熱飯盒同迷你加熱煲仔，lunch淨係淥過米線同蕃薯黎食，煮飯好似好誇張未敢試。」、「我媽有個煲仔煮公仔麵」、「之後中學有老師中午會買餃子同麵lunchtime係pantry煮」。
帖文拋磚引玉，引來網友分享更誇張的事：「老細唔出聲就冇問題，再誇張嘅我公司都有。」包括煮菜、煮麵，甚至自製珍珠奶茶及cocktail：「我公司啲同事會煮菜煮麵，朋友啲同事就會煮珍珠奶茶/整cocktail，都不遑多讓。」甚至打邊爐：「同事煲飯煮麵煮菜打邊爐都見過」。這樣上班好開心喎，似乎增加了大家返公司的動力！難怪網友都話：「令辦公室有生活感都唔錯呀」。
圖片來源：Dcard討論區、HKTVmall、新假期編輯部
