公仔麵煮法 新食法分享！ 「香港即食麵/杯麵分享群組」 私房食法公開！記者實測2大熱議食法 罐頭湯＋鮮奶 味道會係點？｜飲食熱話

公仔麵群組網上熱議 記者實測抗疫煮法

公仔麵都可以是高級美食！Facebook「香港即食麵/杯麵分享群組」有22,100多名成員，每日都有數十位網民分享自家即食麵煮法，帖子都會引起網民熱議！近日大家多在家工作，即食麵更是抗疫良伴。一般食法煮到悶悶哋，不妨試試網民提供的創意食譜！記者一於為大家實測，究竟有冇伏，或是新煮法會將公仔麵昇華？

公仔麵煮法1）忌廉雞湯出前一丁即食麵

材料：出前一丁、忌廉雞湯／其他口味的罐頭湯（半罐）

煮法：

1. 先用清水把麵煮熟（不用加入湯粉包），然後倒水，麵待用。
2. 跟據罐頭說明煮罐頭湯。
3. 湯滾起後收火，倒入麵裏，攪拌後即可食用！

口感：罐頭湯加入公仔麵後即被吸收，把麵條黏住，更顯湯的濃稠。但建議馬上食用，否則放涼後會變硬。

味道：比一般罐頭湯或出前一丁即食麵都淡味，或許因為沒有加出前一丁即食麵調味粉。此外，吃完會口渴和有點膩。

評分及建議：6分

記者建議可試其他口味的罐頭湯，如周打蜆湯、番茄濃湯等，煮天使麵、意粉、通粉，但必須加調味。另外可以加入不同材料，例如磨菇、雞粒、洋葱等，可以媲美茶餐廳的西餐！

公仔麵煮法2）鮮奶辛辣麵即食麵

材料：辛辣麵即食麵、鮮奶500毫升

煮法：

1. 先用清水把麵煮熟（不用加入湯粉包），然後倒水，麵待用。
2. 煲熱牛奶，再加調味粉。
3. 奶滾起收火，將奶倒入麵便完成！

口感：清水湯底換成牛奶，口感Creamy！乾菜包口感煙韌，拉麵Q彈。熱奶放涼後有一層結在表面，就像「辛辣雙皮奶」！

味道：牛奶中和辣味卻帶點甜，出奇地配合並帶味道層次！

評分及建議：8分

下次可以嘗試用花奶或椰奶，即食麵或會更濃郁！另外可以在倒上熱牛奶前加原片芝士在麵上，半溶化時攪勻食！

即食麵高手雲集！網民分享邪惡料理：「一定好食同好肥」

即食麵除了以上煮法，其實還有很多變數。「香港即食麵/杯麵分享群組」還有網民試過「擔擔辛字麵」和「不倒翁芝士鮮番茄麵」。網民回應說「睇落好正」、「一定好食 一定好肥」。大家留家抗疫不妨試試創意煮法，不過食完記得做運動！