兩餸飯驚現燒賣！網友反應兩極：太離譜唔可以當餸 VS 各有所愛｜飲食熱話
廣告
兩餸飯有炒燒賣食？兩餸飯向來以平靚正見稱，是一眾打工仔的開餐之選。其特徵是餸菜種類夠豐富、價錢貼地夠抵食、夾餸姐姐又快又爽手。不過最近於網上流傳一張兩餸飯配料照片，圖片中可看到港人最愛的燒賣竟成為其中一味餸，讓一眾愛吃燒賣的朋友忍不住瘋傳。而帖文一出，成為網絡熱話，不過怎料道網友對於燒賣這道餸，有著兩極化的留言。
兩餸飯炒燒賣出現了！辣椒油炒夠惹味？
疫情當下，不少又平又好食的兩餸飯外賣店成為打工仔開餐的不二之選。兩餸飯的餸菜選擇相當豐富，由10款到30多款不等，有肉、有菜、有魚、有蛋，且煮法不一，任君選擇。就算每日食都不怕重複，新鮮感十足。不過最近於Facebook群組「香港兩餸飯關注組」中，有網友發現港人至愛的港式小食——燒賣在兩餸飯的世界內，變成其中一道餸菜。
發現網友更打趣寫「好似你咁出色嘅食物，無論喺邊度，就好似漆黑中嘅螢火蟲一樣咁鮮明，咁出眾。」而圖中亦可看到黃澄澄的燒賣，在一片綠油油的青菜下，份外顯眼。雖然網友表示自己沒有叫這道餸菜，但亦好奇想知道若然叫淨餸$40， 可以有幾多粒燒賣。
網友留言反應兩極化！呢個我Like噃 VS 太離譜唔可以當餸
支持派：鹹魚青菜各有所愛！
面對著兩餸飯驚現辣椒油炒燒賣的消息，部份網友表示支持。有本身自問是燒賣迷的他們表示「呢個我Like噃！」；亦有網友表示「有咩問題？鹹魚青菜各有所愛！」、「本身鍾意食又有咩所謂？」。
反對派：明顯朝早賣唔晒！
也有網友被這款辣油炒燒賣餸菜表示震驚！有人驚訝表示「燒賣都可以當餸，聞所未聞！」；亦有人大彈「這個太離譜不可能當餸！」、「燒賣根本唔值！」，更有網民突破盲點，認為是小食店「明顯朝早賣唔晒」。最後更有網友拿這款燒賣跟中國大學飯堂的經典番茄月餅、還有明將的紅豆軍艦比較。
圖片來源：新假期編輯部、Facebook群組「香港兩餸飯關注組」、南溪姐姐@小紅書
