兩餸飯熱潮減退？晚市堂食放寬釀危機 權發＋包點皇者老闆回應｜飲食熱話

兩餸飯熱潮減退？晚市堂食放寬 外賣不再？

兩餸飯在疫情期間成為香港飲食新潮流，皆因它為很多「無飯家庭」解決了三餐的煩惱。客人只需選擇餐廳煮好的餸菜就可以開飯，價錢親民又多選擇，十分方便！兩餸飯生意愈做愈有，更開到成行成市，疫情下就連其他餐廳都要轉型賣兩餸飯自救。可是，由於兩餸飯主要做外賣，當4月21日晚市堂食放寬後，生意似乎面臨危機！記者在4.21解禁當晚到旺角區直擊，排兩餸飯的人的確明顯減少！不知道兩餸飯會否隨市況逐漸復甦，反而冇碇企？

更多詳情：晚市堂食放寬！4.21記者直擊 酒店自助餐＋火鍋店＋甜品店 人頭湧湧大解放 一家大細鬆一口氣！｜飲食熱話

包點皇者：兩餸飯是民生所需

兩餸飯店有否受影響，記者就問過兩間店的老闆。

晚市堂食放寬首日，記者訪問了包點皇者老闆龔生。他說在疫情期間，生意升了2成，而放寬首晚，就即跌了4成，「10個人走咗4個人」。龔生在各區都有餐廳，包括包點皇者、包點超人等，放寬首日他認為大家都會想約家人、朋友聚一聚，所以不會光顧兩餸飯。「因為大家實在太耐冇聚過喇，好似我陣間都約咗屋企人食飯。」

他認為兩餸飯生意不會再有明顯增長，但已成為各區民生所需的餐廳，所以包點皇者並不會轉型。「生意係會擔心嘅，不過人冇可能贏晒㗎嘛，經營到，合理就算ok。」

權發小廚：兩餸飯會汰弱留強

至於兩餸飯巨頭權發小廚就在解禁當晚沒有營業，記者問過權發老闆吳師傅原因，他說「因為之前都好忙，大家同事都辛苦咗好耐，晚市放寬堂食，等同事包括我哋自己，都可以約吓家人朋友聚一聚，畢竟生活不是只有工作。」記者之前曾訪問吳師傅，他直指： 「辛苦到想死！」可能放寬都是件好事。

更多詳情：權發小廚兩餸飯日賣過1,000盒！百米長龍橫跨彌敦道 每日30款鑊氣小炒 老闆用心送上｜外賣食乜好

吳師傅表示自晚市重開後，權發小廚生意有下跌但幅度不大，老闆反而覺得現時人流更有利於餐廳的生意健康發展。因為之前常常大排長龍，客人難免會有點怨言，但放寬後一星期，他們見到之前排不到隊的熟客都陸續回來了。

吳師傅也說不會轉型，但由於市面選擇多了，兩餸飯會進入汰弱留強的階段。「我哋同大家一樣希望疫情盡快過去，人人有工做個個有飯開。我哋只有努力地做好自己，加強自己，多啲轉換一啲新嘅有特色嘅菜式，令到客人有更多嘅新鮮感，生意不用太擔心。」