兩餸飯2.2萬月薪請「夾餸師」 ！網民：高薪過寫字樓｜飲食熱話

兩餸飯「佳記美食」2.2萬月薪請「夾餸師」

逆市中竟然有筍工？會計師、工程師、律師聽得多，想不到現在竟然有「夾餸師」，而且人工非常吸引。近日就有網民在Facebook「香港兩餸飯關注組」中發帖，轉發了兩餸飯「佳記美食」的招聘告示，以時薪＄65-80聘請夾餸師，月薪高達1.7-2.2萬，工作地區為灣仔、北角及西環：「集團兩餸飯夾餸師！！$1,7000-2,2000！！時薪$65-80（可現金出糧）西環，北角，灣仔」據本地傳媒報道，佳記人事部經理黃小姐表示「夾餸師」沒有任何特別入職要求或年齡限制，只要能與人溝通，沒任何經驗亦可應徵。初入職起薪點已有1.7萬，每日工作10小時，每月有5天假期，而且會包2餐，最重要是有機會可升到店舖經理！

網民大讚筍工：「高薪過好多座寫字樓」！

如此筍工，帖子旋即引網民熱議及傳媒轉載，覺得「夾餸師」不失為一份筍工：「高薪過好多座寫字樓既」、「以時薪計仲高人工過我而家」、「兩餸飯真係好賺，出到呢個人工請人，西餐經理都係咁上下人工」不少人更想立即行動應徵：「想去in了」、「有得諗，應該包食」。亦有人覺得「夾餸師」一詞好專業：「可以在夾餸師前面加個專業」、「夾餸師已經好專業啦」．「夾餸師，即刻專業左」、「夾餸師，我中意呢個名～」。不過都有網民覺得夾餸師唔易做：「似乎沒有想像中咁容易做。雞翼應該夾幾多隻？兩餸飯嘅雞翼有幾多隻、三餸飯呢？雞翼大細隻又點計？唔記得邊間詳列份量，每個負責夾餸都要按指引」。不過有網民就留下霸氣一句﹕「塞爆就OK！」

旺角兩餸飯店＄750招全職女工

在同一個Facebook群組「香港兩餸飯關注組」中，原來早前亦有一個關於聘請夾餸師的帖子，發文為「兩餸飯最新行情」，帖子上載了一個招聘告示照片：「旺角區兩餸飯招請全職女工（年齡25－55）日薪750元」此帖亦引來網民大肆討論，有人覺得薪酬不錯：「20日工就15000，ok喎」、「價錢真係算係咁，會計文員都只係15000依家街價請你話死唔死。」但亦有很多網民覺得是辛苦工：「如果十個鐘，一個鐘75， 12個鐘，一個鐘得62.5！個手長期做這個用力又快啲動作，吾駛一個月就會手上神經痛，永遠醫吾好，半夜痛醒」、「你都未計因工作勞損睇醫生支出，計埋就同揾一萬的工差唔多」、「就算萬18000元1個月D人做不長、D人嫌辛苦」

出乎意料外，竟引來一班男網民的妒忌：「老細！犯咗法喎！年齡歧視喎！性別歧視喎！」、「平等機會委員會既電話號碼！？」亦有人笑言「夾餸師」是香港五大師之一：「依個POST竟然引伸出討論其他行業O既人工同就業情況，例如會計，法律。所以我唔會再叫佢地阿姐，應該尊稱夾餸師，香港第五大師」。