元朗麴町6月20結業！再見芫茜章魚燒每日限賣30份網民大嗌唔捨得！｜飲食熱話

Jun 1 2021

廣告

開業兩年嘅元朗麴町一直都係元朗街坊熱捧掃街小店，可惜依然不敵疫情，日前於Facebook宣布6月底正式結業。一眾街坊同網民都紛紛表示好唔捨得，話一定會等店主再度歸來！

撰文：新假期編輯部｜圖片來源：麴町章魚小丸子

元朗麴町6月20日約滿結業！必試限量30份芫荽章魚燒

元朗這小地區一向臥虎藏龍，素來有不少隱世美食，元朗麴町憑著大大份章魚燒吸引不少街坊幫襯。而於去年8月更首推期間限定口味，芫荽章魚燒！粒粒飽滿的章魚燒上淋上自家製的芫荽醬及大量芫荽，香氣逼人，一推出已深受關注。吸引好多芫茜愛好者專程到訪元朗，一嚐獨特風味。章魚燒餡料十分足料，粒粒夾住大大粒章魚肉，真係好滋味！記得結業前嚟試吓！

元朗麴町賣芫荽章魚燒外賣每日限賣30份自製芫荽醬＋大量芫荽荽迷大愛！網民哭求只為一粒｜外賣食乜好 — 麴町店面雖小，但有大量捧場客！

芫荽章魚燒/4粒、/6粒大量芫荽鋪面，芫迷必愛。 — 芫荽章魚燒$30/4粒、$38/6粒
元朗麴町重推芫荽章魚燒，大量芫荽鋪面，芫迷必愛。

每份章魚燒均會淋上自家製芫荽醬，醬料有點點芫荽葉碎，不僅只有香氣，還有口感。

小店其他出名必試之選有，明太子、蟹子、黑松露等口味，嚟到排唔到芫茜味，都可以試吓其他口味！真係大大粒，每粒都見到章魚仔㗎！

章魚燒每份即叫即製，大大粒，裏頭放入大粒章魚，油潤有嚼勁！

網民大嗌唔捨得！

除咗吸引一眾芫荽控外，其實元朗麴町亦有一班街坊支持者！聽到店主忍痛宣布結業，食客都留言表示不捨！仲有網民大讚小店係全港最好食嘅章魚燒！

有網民大嗌小店結業就如世界末日！

有網民表示唔批准小店結業，認真搞笑！

唔食章魚燒都唔捨得小店！

足料到小朋友以為送多咗隻章魚仔俾佢！

一眾網民都紛紛表示小店出品嘅章魚燒係全港最好食，真係好唔捨得！

好多支持者表示唔想接受小店突然宣布結業！

餐廳：麴町
地址：元朗教育路3-7號富好大廈地下9號舖（顯示地圖）
電話：5266 2733
營業時間：12:30 – 22:00
招牌菜：章魚燒
Facebook專頁：麴町章魚小丸子

關鍵詞

芫茜章魚燒飲食熱話麴町