沙田石門酒樓做冬食飯唔可以散叫？！事主：臨時叫餐加$300！ ｜飲食熱話

沙田石門酒樓做冬食飯 臨時叫餐俾多＄300

做冬應該開開心心，想不到卻引來一肚氣，事主在12月17日提前做冬，卻遇到激心事，在Facebook「香港茶餐廳及美食關注組」發帖大呻：「尋日成家人一家大細book咗一圍喺石門富臨，諗住做節食飯。一坐低，有個waitress 就話：『你地有冇俾訂架？有俾訂個餐就2,688，冇俾訂就2,988』」事主一聽，感到愕然，因為店方在自己落訂時並沒明言：「咁訂枱果時冇人講過，加上去到先知唔俾散叫餸，同經理溝通過話打嚟訂枱冇人講過話要俾訂。咁算啦，冇癮，咪起身打算去第到食」連旁邊那枱也身受其害：「跟住隔離枱果圍，有個客同我地講：『我地都係呀！焗我地俾，我地打算食完去消委會投訴』」。

事主不甘「被屈」走人

事主明白大時大節前，有些餐廳只能叫套餐，但重點在於訂枱時沒明言，不知道沒訂餐就要多收$300：「雖然知有時做節日子一定要人叫餐，唔俾散叫，但都冇人提過，其實叫餐唔緊要，而家係焗人俾多300蚊，電話訂枱時又唔講」一再重申，自己並非不願柯打套餐，只是不甘心臨時「被屈」$300：「唔該睇清楚我寫咩先啦，佢一早講要落訂嘅話，我落咗啦，唔係我唔肯俾訂呀，係佢冇講要俾訂，去到屈人俾多3舊，隔離枱都係費時轉場甘心俾佢屈，係我地走人咋」。最後事主去了打邊爐：「去食邊爐」，網友大讚好主意：「Good吖！ 打邊爐又一好選擇」。

大時大節不許散叫是常識？！

有不少人覺得樓主有問題，認為大時大節酒樓不許散叫，只可叫套餐實屬正常：「我都遇過，冇散叫。」、「大時大節前一星期，酒樓只做指定套餐是常識」、「樓主可能少出街食」亦有網友解釋原因：「原因係 ： “散叫”廚房會做吾切 ，“圍餐”可以控制到出品嘅時間，節日的客人會比平日多很多，甚至一張枱要番兩轉，但廚房的同事和爐頭就同平時一樣，所以只可出圍餐了」

有人覺得3百元不多，當小費吧，無謂計較：「出嚟食飯亦無需太計較！最緊要一家人開開心心，300蚊當做小費」不過有人覺得這是「被屈」：「服務好就話俾小費姐，佢覺得明屈佢，又點會俾小費？」有人理解酒樓為何堅持要多收：「其實比訂是優惠價，如果你地walkin都有減$300，比訂個啲人咪笨x?」但事主覺得網民錯重點，重申：「而家唔係唔肯食套餐呀，有冇睇清楚，我話佢訂枱時冇叫人落訂呀，去到話人冇俾訂，迫人俾多300呀」。

網民力撐事主：唔會比佢屈！

亦有不少網民力撐事主，覺得轉身走人是正確做法，不應被「老屈硬食」：「支持樓主，唔會比佢屈！」、「Well done，果斷放棄」、「要俾多300蚊唔抵，爭一口氣」、「打電話冇講根本係佢哋唔啱，比我都即刻走⋯支持你」、「佢就係起身即走。酒樓就係諗你哋十人八人，拖幼扶老，未必夠膽起身即走，唔劏你劏邊個」並覺得不應以「常識」一概而論：「同埋唔係所有家庭都習慣年年做節去酒樓食，屋企就係十年八載先可能一次，真係無呢種所謂嘅『常識』」。

更有人覺得未到正日，應該供應散叫：「吓？未到正日喎，大咩時大節呀？做冬正日唔做散野理解吖，仲有只做套餐電話訂枱時應該要講，要比埋餐牌人睇，鬼知你套餐有咩食」、「尋日乜節唔比散叫咁巴閉呀」適逢世界盃舉行季軍賽，網友笑言：「世界盃季軍節」有人覺得做冬前一星期已算是高峰期：「一向做冬前個禮拜六日已經係高峰期」不過亦有例外：「尋晚太子海港酒家！做冬散叫餸食飯，完全無問題！起身去第二間食囉！做咩要俾人屈！」大家又點睇呢？