任食火鍋食淨會點處理？西客狂點牛肉吃剩6碟網民鬧爆！賤招奇出｜飲食熱話

Dec 23 2022

大嘥鬼任食火鍋狂點牛肉吃剩6碟，餐廳要求按量收取附加費！天氣寒冷打邊爐就最爽，不少人會選擇吃任食火鍋，但卻有不少怕蝕底的西客明知自己眼闊肚窄，瘋狂點餐後卻吃不完，浪費大量食物！日前就有網民在討論區以「食任食火鍋食淨好多野會點處理」為題，指自己跟朋友吃任食火鍋時，因吃剩6碟牛肉，因被侍應要求按量收取附加費而不滿，故在討論區向他人求教吃剩食材如何善後，最後卻落得被網民一句「食得曬先拎」完美KO！

任食火鍋食淨會點處理？大嘥鬼任食火鍋狂點牛肉吃剩6碟

該名網民於連登討論區「食任食火鍋食淨好多野會點處理」為題，指自己日前與友人「去一鍋堂，其實只係剩幾碟肉，個阿姐都話要call經理嚟磅重收錢」並指自己平日不會吃這種「質素」的餐廳，認為寧可食高質一點的餐廳「好過受呢啲無謂氣」，並以此為由向網民討教於任食火鍋餐廳如何處理食剩的食材，有大嘥鬼網民稱自己放入個鍋當食完，「掉哂落去照淥，食到幾多咪食，食到夠鐘都食唔哂咪走」、「用紙巾包住」，賤招奇出。

任食火鍋一鍋堂裝修以日式簡約風為主。 — 一鍋堂以任食火鍋做主打。（圖片來源：一鍋堂）

任食火鍋網民友人不吃肉卻怒點6碟牛肉，事主獨個兒吃不完所有牛肉，而被按量收取附加費。怨有頭債有主，網民友人似乎要承擔責任。 — 網民友人不吃肉卻怒點6碟牛肉，事主獨個兒吃不完所有牛肉，而被按量收取附加費。怨有頭債有主，網民友人似乎要承擔責任。（圖片來源：UNSPLASH@wiley-shaw）

餐廳要求按量收取附加費

有網民指即使是任點任食，為免浪費食物不想做大嘥鬼都是「食得曬先拎」，反問事主食剩多少才引來餐廳注意而被收取附加費，事主稱自己食剩「6碟啫，平時唔會剩任何嘢，但果次我朋友唔食牛，但又狂叫，得我一個食」，有網民認為樓主並非他所講的「只係剩幾碟肉」，而是「6碟牛肉」，自作孽抵畀餐廳罰錢，「唔知你幾多先覺得多，6碟啫，抵死啦咁好X嘥嘢」、「Menu講到明食淨要跟重收錢，個個任嗌唔食，最終個成本咪又加番落消費者度」，有花生友更叫事主可「跪係地到同個經道歉」、「無限你時間，你咪煮熟佢塞入口咬碎佢，之後去廁所沖走佢囉，太多都係行多幾十次」。

其實香港不少任食火鍋店都寫到明，在桌上或鍋內有剩餘食物都會按量收取附加費，大家為免浪費還是食得到才柯打，不要浪費食物。